Populære bibelvers fra Matioo̱ 19

Del

Kjisoo̱ askoꞌá kui jaá, sꞌe̱ bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Kó bo̱a̱ tsꞌén nga jè ngiti̱ jójín má, ta̱ ngo tsí yojo ma nga joó, kó kuíni nga ni xi je katsꞌéngo Néná, ka̱májiín kꞌo̱xiékjo xotaa̱.

Ta̱nga Kjisoo̱, bi̱ katsó: –A kji̱e̱ niꞌányàjínjnú ni xi tsó xo̱jo̱n eén Néná nga kuí xí katsꞌéndaná ndeskande nga ítsꞌi̱yanii̱ nga̱sondiee̱, nga xi xi̱ꞌin ko̱jo xi chjo̱on katsꞌénda. Kó bi̱ katsó: Kuíni nga nda̱ xi̱ꞌii̱n ku̱i̱ꞌíjñá na̱ꞌmii̱ ko̱jo na̱aa̱n, kó kꞌuijñájo̱ chjo̱ón, kó ta̱ ngo tsí yojo ka̱ma nga joó.

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Kjín má xota̱ xi tjón ngotꞌe̱, xi fetꞌa ka̱ma, kó kjín má xota̱ xi fetꞌa ngotꞌe̱, xi tjón ka̱ma.

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Sꞌe̱ Kjisoo̱, bi̱ katsoó: –Míkjo̱a̱a̱ nga an bosíyéní kjo̱a̱a̱ ni xi ndaa̱. Ta̱ ngototo Néná xí nda, ta̱nga tsi mejeén ku̱i̱tjásꞌi̱n ji kjo̱a̱mindyion ngatsjéni̱xtjii̱n, ti̱ꞌinkjatjosén ji kjo̱a̱botíxomaa̱ Néná.

Ingo ndi̱yà xiyà nginíjnúꞌun nga ta̱sá niꞌínjín kjiꞌi nga ngo cho̱toꞌoyitsꞌe̱n kjo̱a̱ꞌaya ngo ti̱xa̱a̱ ngo ńdo, ta̱bo̱a̱jiín nga ngo nda̱ cho̱n kꞌo̱sꞌien nínga botíxomaa̱ Néná.

Kó án xiyàjnúꞌun nga tsi ngo nda̱ ku̱i̱ꞌíjñá chjo̱ón, kó tsi kjo̱a̱a̱ nga kjo̱a̱tondo̱jín, kó tsi kje̱ꞌe chjo̱on ku̱i̱xanjo̱, tsꞌén bendikónjín kjo̱a̱bixaa̱n, kó kui nda̱ xi ku̱i̱xanjo̱ chjo̱on xí ikꞌíjñaá, ti̱ tsꞌén bendikónjín kjo̱a̱bixaa̱n nga.

Kósꞌe̱ Kjisoo̱, bi̱ katsoó xota̱ tsi̱ꞌe̱: –Ja̱koxi̱ ni xi xian an nga achichí niꞌin kjiꞌi nga ngo nda̱ cho̱n kꞌo̱sꞌien ndiꞌakꞌajmi nínga botíxomaa̱ Néná.