Populære bibelvers fra 1 Xota̱ Korinto̱ 12

Del

Nga ngo nga ngo ñá katseꞌéná nga A̱si̱énni̱xtjii̱n Néná xí sa̱ꞌínxájin ngi̱jin yojoná nganda tsi̱ꞌe̱ xota̱ xi ngasee̱.

Jún boá xi yojoo̱ Kristoo̱, kó nga ngo nga ngojnú tikónjnú ngo ngi̱ndie ki̱a̱ kui yojoo̱.

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Tjín xí A̱si̱énni̱xtjii̱n Néná xí tsjaá nga ka̱tso̱yaa̱ xotaa̱ én xi kjínkón, kó tjín xí ti̱ kui A̱si̱énni̱xtjii̱n xi tsjaá nga ka̱tso̱yaa̱ xotaa̱ ni xi ka̱makjiín xotaa̱. Tjín xí ti̱ kui A̱si̱énni̱xtjii̱n Néná xí tsjaá nga ꞌniú sꞌijii̱n Néná, kó ti̱ tjín nga, xi ti̱kuii A̱si̱énni̱xtjii̱n xi tsjaá nga ka̱maa̱ sa̱ꞌíndaya xota̱ xi oo̱n. Tjín xí maá tsꞌén kjo̱a̱ndikón, kó kje̱ꞌe xí maá tsóyà én xí Néná tsjaá, kje̱ꞌe xí makjiín tsi ja̱koxi̱ nga A̱si̱énni̱xtjii̱n Néná xí tjíjii̱n xotaa̱, axa̱ a̱si̱énni̱xtjii̱n xindajín, kó kje̱ꞌe xí maá chji̱a̱ én xí makjínjiín xota̱ xi ngasee̱ xi tsjá A̱si̱énni̱xtjii̱n Néná, kó ti̱ tjín xí maá tsꞌenkꞌátioya kui eén.

Ta̱nga ta̱ ngo tsí A̱si̱énni̱xtjii̱n Néná xí tsꞌén kuí nii̱, ko̱jo xikótsꞌèn mejeén kui, kó bo̱a̱ tsꞌén tsjaá nga ngo nga ngo xota̱ na̱ngo̱xi̱i̱.

Bo̱a̱ katsꞌén Néná tsi̱ꞌe̱ nga kjo̱tjotꞌájiín xkjín ni xi yaꞌaa̱ yojoná, kó nga ja̱kꞌi̱e̱ ja̱ngaján skoón xkjín.

Ja̱ kje̱ꞌe ja̱ kje̱ꞌe kjo̱a̱nda xi tjínná ñá, ta̱nga ta̱ ngo tsí má A̱si̱énni̱xtjii̱n Néná xi tsjá kuí kjo̱a̱ndaa̱. Ja̱ kje̱ꞌe ja̱ kje̱ꞌe tsꞌén niꞌánxá ñá nga bosíko̱jo xingi̱, ta̱nga ta̱ ngo tsí má Ndi̱a̱ná. Ja̱ kje̱ꞌe ja̱ kje̱ꞌe xá xí máná niꞌán ñá, ta̱nga ta̱ ngo tsí má Néná xí tsꞌén ngayejee̱ nii̱ nga tsꞌénxájii̱n ngayeje xota̱ na̱ngo̱xi̱i̱.

Néná íjñá nga ngi̱jii̱n xota̱ na̱ngo̱xi̱i̱ tjón má já apostro̱ kꞌuié, sꞌe̱ xi ma joó, jáchji̱ni̱e̱ꞌén, sꞌe̱ xi ma jaán, já mostro̱, sꞌe̱ jaskan xota̱ xi tsꞌén kjo̱a̱ndikón, ko̱jo xi tsꞌendáyà xi oo̱n, ko̱jo xi bosikójo, ko̱jo xi ngito̱ko̱, ko̱jo xi chji̱a̱ ja̱ kje̱ꞌe ja̱ kje̱ꞌe én xí tsjá A̱siénni̱xtjin Néná.

Ngatꞌa̱ ngo yojo jmí tsi ta̱ ngo ndo̱jò má, kjín má ni xi yaꞌajo̱nii̱.

ta̱sá ni xi chji̱a̱ni yojoná xi nde ꞌniújín machjién máná, kuí xí ꞌniú machjién ngase

Tsi ngayeje yojoná nga ndyikon ka̱ma, kótsꞌèn ka̱ma ko̱nda̱ꞌyá. Kó tsi ngayeje yojoná nga tji̱bo̱a̱nijon ka̱ma, kótsꞌèn ka̱ma xchíjen. Ta̱nga xikótsꞌèn kasasiennii̱ Néná, bo̱a̱ tsꞌén íjñá nga ngo nga ngo ni xi tjiín yojoná. Ta̱nga tsi ngayeje yojoo̱ nga ta̱ ngo tsí ni xi yaꞌajo̱ni kui yojoo̱ ka̱ma, kótsꞌèn yojo kꞌuínní kui nii̱.