Populære bibelvers fra Mataio 21

Del

«Ati nina geé ilehi mu ko a pwoiitihi, ke geé bo hegi, hemepie geé céihi ne kon.»

Ke e hegi ne telé wo Iésu pie: «É pii tewé a juuju: Hemepie pwo ace céihi tewé, ke mepie time uce pinekepé tewé, ke o jan me geé pwo ana é pwo te pa majing ce. Ke o te jan mwo me geé pii te pa juwole ce pie: “Go engen mulang, ke go ole ha a jié!”, ke e o te pwo.

Ke hiwon ni apulie na lé ânebun ke lé alecehe Iésu. Ke lé tai toii da pie: «Osana! Pipwoun de Padué! Pipaunu pa *Naî Davita! *Adéi pa apulie na e âbé ne he nii Padaame! Psaume 118.26 Osana me adéihi! Paunu Padaame na e daaité!»

Ke e pii telé pie: «E pii ne he ni tii iitihi wo Padué pie: A mwa tong, ke bo toii kon pie a mwo ko pwoiitihi. Kehe wogewé, ke geé ko pwo me ataduwo te lépwo abune! »

Go pii te Iérusaléma, pie: Go alihi, go ê toomwo *Sion, be e âbé céiiko wo Padaame hem! Te junihe bwala a pwonimen, be e âbé ha a péém. E tebwo pwo a nahi buriko , a wota na e pé ni âneule. Ésaïe 62.11; Zakari 9.9

Ke e te pii telé mwo wo Iésu pie: «Kona time geé uce pine ana tii ne he ni tii iitihi? Ali péi li lé tahi taabwon wo lépwo abahi mwa, ke te anaa kuti a ju paamwa. Be te ni âpihuô te Padaame. Ke nye téetihi a wâé ten, na nye caa ko alihi! Psaume 118.22−23

«{Hemepie e tupwo wo pace céiu apulie ne pwo a péi naa, ke o tatubwi ati a één. Ke mepie e tupwo ali péi ne huîi pace céiu apulie, ke o te ju tagetieng.} Weengaa a watihen me é pii tewé pie: Ke e o pé kojakewé [a *adéihi ko] a Mwametau ten wo Padué. Ke e o ne te ace céiu bele, celi e bo ne ce acehi ni penem de lépwo ju nahi a Mwametau.»