Populære bibelvers fra MWANDUSO 8

Del

Mnung'ho wa inhosa umnogela MNDEWA, na heyo kailongela mwenyego mmoyo wake, “Siidukumiza isi kabili sama ya gaja gawatendile wanhu, hata kamba ngelegeza zao zikala zihile songela haudodo wao. Na sivibananga kabili vinhu vose vilumbigwe vili na ugima kamba vinitendile. Milao yose isi vondaikale, vipigiti vino haviziga, kipigiti cha kuhanda na kuhuna, kipigiti cha kihuhe na keakea, kipigiti cha zua na mvula, na kipigiti cha imisi na ikilo.”

Nuhu kamzengela MNDEWA kilingo cha kulavila nhosa. Kamsola mng'onyo imwe na ndege imwe kulawa ha wang'onyo na ndege wa namna zose walumbile kulavigwa nhosa, kawalava nhosa mkuwasoma na moto hana ikilingo cha kulavila nhosa.

Ila Mulungu kamgelegeza Nuhu na wang'onyo wose wa kumuhulo na wofugigwa waja wakalile hamoja na heyo muna isafina. Mulungu kadigala beho muisi yose, na igamazi gasonga kuhunguka.

Ija ihua viyabweleganye mkipigiti cha ichungulo, mmulomo wake kakala na jani bisi da mzaituni, avo Nuhu kavitanga kamba mazi gahunguka muisi.