Populære bibelvers fra Tin Deic Douh 18

Del

Maiv maaih haaix nyungc ndongc haaix aqc ZIOUV maiv haih zoux. Da'nyeic hnyangx taux naaiv norm ziangh hoc yie aengx nzuonx daaih. Taux wuov zanc Saalaa ziouc duqv dauh dorn daaih aqv.”

Saalaa yiem hnyouv yietc binc jatv yietc binc hnamv, “Yie gox nzengc aqv. Yie nyei nqox yaac gox haic aqv. Yie corc aengx haih a'hneiv yie nyei nqox fai?”

Weic zuqc Apc^laa^ham oix benx hlo nyei, henv nyei guoqv. Lungh ndiev maanc guoqv mienh oix weic ninh duqv fuqv.

Apc^laa^ham ziouc mingh fatv nyei naaic ZIOUV, “Meih mietc orqv mienh, meih oix liemh kuv mienh caux jienv yietc njiec mietc fai? Se gorngv wuov norm zingh maaih hmz ziepc dauh kuv mienh ni? Meih corc oix mietc, maiv weic wuov deix hmz ziepc dauh mienh liouh wuov norm zingh?

ZIOUV gorngv, “Se gorngv yie buatc hmz ziepc dauh kuv mienh yie ziouc weic naaiv deix hmz ziepc dauh siex cuotv naaiv norm zingh.”