1
Rooma 5:8
Wori Haaggane Yeesso Kiriisto Miinsan Ayyinti Husube Waakh Enenyet Igooche
rel
Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.
Sammenlign
Utforsk Rooma 5:8
2
Rooma 5:5
Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.
Utforsk Rooma 5:5
3
Rooma 5:3-4
Wahaas kalday menye, sinayyohi inno ꞌhello laka a keeylajna. Iꞌdi tahe wihi inno garanni, sina a inno gargaarta, ꞌdee garrahsanna. Garrahsi la jiro ka sohoti haaggane Waakh jilhaati keena, sohota haaggan la khajjeele keena.
Utforsk Rooma 5:3-4
4
Rooma 5:1-2
Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna. Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.
Utforsk Rooma 5:1-2
5
Rooma 5:6
A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.
Utforsk Rooma 5:6
6
Rooma 5:9
Diig Kiriisto ka, Waakh ꞌdooꞌdi fiffissane inno iekkaache gone, geeddoo meheenye Kiriisto ka holi Waakh inno lakariba?
Utforsk Rooma 5:9
7
Rooma 5:19
A mehe saggi etoo kaldaye Waakh raahin ꞌdiiꞌde ka, ꞌdooꞌdi ittaawe ꞌdooꞌdi uskeel lehe lakayeele, saggaas on u etoo kaldaye Waakh raahe ka, Waakh ꞌdooꞌdi ittaawe ꞌdooꞌdi fiffissane kayeela.
Utforsk Rooma 5:19
8
Rooma 5:11
Waha kalday la menye, Yeesso Kiriistohi Kamureene ka Waakh a keeylajna, a mehe Kiriisto ka Waakh ankiis a inno keene.
Utforsk Rooma 5:11