Populære bibelvers fra Mattaayo 19

Del

Yeesso icho yeye, wihi us iyidah, “Weeli enenyet ka waha a wihi koloo kalday laka iitaahan. Iꞌdaasenyi Waakh ka walah tuumman a geeddi icho yateehiin.”

ꞌDeerka kola et lamma menye, a sartoo kalday. Maantaka wihi Waakh isikeene uus weeli enenyet seley bihin.”

Yeesso wihi us ilaabe, “Atin saggi uumaccho ka Waakkhi walah tuumman soouume ‘labo ichoow deyyeho isoouume’ ma soomin a? Wihi chiiran, ‘Jeentetuu mejel aabbahiis ichoow abartiis a kataba, usu ichoow makhaabassiis la wohoo kalday yateehiine, lammacho ba sartoo kalday yateehiin.’

Yeesso la wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi goobi Waakh a ki ꞌdooꞌdi iꞌdee.”

Iꞌdaasenyi ꞌdooꞌdi ittaawenye oraate ki ꞌduboot yateehe, ki ꞌduboot la ki oraat yateeh.”

Eti tuummane minan ommos walaalinyetiis ommos albehi leedesse ommos aabbahiis ommos abartiis ommos nyaakhutiis ommos gosiis jeenteti us abattiteey iyahuu kasootabe la, kol kude wahaas us kasootabe ꞌdirihiis ꞌhela, toro la jiroti jirtuu imassan laka a ꞌhela.

Yeesso wihi us ilaabe, “Chaꞌat tuum jiroti el ikhabin jirin ꞌdoonto, nyaame, wihi at khabto tuumman ororiche, chilimme miskiin siiche, ꞌdee kamurroonki goobi Waakh ꞌhele, ꞌdee kaale isooraah.”

Yeesso wihi us ilaabe, “A iꞌdoh wihi haaggan iworsatta? Waakh kalday on haaggan. Chirri at jiro ꞌhelin ꞌdoonto, amurreti Waakh raah.”

Toro wihi an atin iadeeh, naffi gaale issi irbi kakhaduutti weyti ꞌhooltahe. Eheet a, ꞌhoossi eti kamurenye dakhi Waakh gelo iche weyti kutta.”

Wihi an atin icheeko, eti tuummane makhaabassiis tuum rihe makhaabassoo addan diste, chiꞌiche mejeloo addan leeuꞌdurte on menye, makhaabalaas uskeeli us makhaabassi tiis ieheynan leeurꞌdo, iche gele.”

Yeesso ꞌdeerka wihi us abattitiis iyidah, “Rume atin icheeka, weyti ꞌhooltahe chiꞌ eti kamure dakhi goobi Waakh gelo.