Populære bibelvers fra Mat 2

Del

Ba naŋ wa te kpeɛrɛ a die, ba da nyɛ la a bie ne O ma Mareya, ka ba da gbi dumo a puori O ne emmo, kyɛ yuo ba woore a ko O kyɔɔtaare; salema, ensɛnse ane turaali.

A Naa Hɛrɔde naaloŋ saŋ, ba naŋ da dɔge a Yeezu Bɛtelɛhɛm naŋ be Gyudiya paaloŋ poɔ, a lɛ puoriŋ, yɛmbaŋnema mine da yi la sapare wa Gyɛruzɛlɛm, a wa soorɔ, “Yeŋ la ka ba dɔge a bie na naŋ waa a Gyuumine Naa? Bonso, te nyɛ la a O ŋmarbiri puriyiibu a sapareŋ, a wa ka te puori O ne emmo.”

Ba naŋ da nyɛ a ŋmarbiri ka o are, ba poore da pɛle la yaga zaa a ba taa mannoo.

Kyɛ Naaŋmen naŋ da kpãã ba ba zannoo poɔ, ka ba ta wa leɛ gɛrɛ a Hɛrɔde zie zuiŋ, ba da tu la so-yuo a gaa ba teŋɛ. A yɛmbaŋnema naŋ da wa gaa baare, a Daana Maleke da wa la Yuzɛb zie o zannoo poɔ, a wa yeli ko o, “Iri de a bie ne O ma zo gaa ne Igyipiti teŋɛ a te kpeɛrɛ be a te ta saŋ na N naŋ na yeli ka fo leɛ wa, bonso, Hɛrɔde nara la ka o bɔ a bie a ko.”