Populære bibelvers fra Kuyamba 27

Del

Mulungu ngaakupase maweto yakudzulu, akulise mbewu zako, akupase chakudya chizinji navinyu. Wanthu ngaakutumikile, mishowo mizinji ikukotamile. Ukhale ntongi waazimano wako, wana waamayi wako akukotamile, Ngaatembelelewe awo ankutembelela, ngaadalisiwe wentse ankudalisa!”

Esau adati, “Ko sindibzo bzidachitisa kuti apasiwe dzina lakuti Jakobho? Tsapano aka kawa kachiwili kundinamiza. Pakuyamba adanditolela ukulu wangu, lelo uno wanditolela madaliso yangu.” Pamwepo adazati, “Ko mulibe kundisiyilako yanango madaliso?”

Isaki adati kwayiye, “Minda yako in'zachosa lini chinthu, maweto yakudzulu yan'zagwa lini m'minda mwako. Umoyo wako wentse un'zawa wamadipa, un'zatumikila mung'ono wako; pawun'zatsudzuka, un'zachosa joko lake kuchoka nkhosi mwako.”

Esau adati kwaapayi wake, “Ko madaliso yamweyo ndiyo yokha yamukhanayo? Ndidalisenimbo apayi!” Esau adalila bzikhabvesa ntsisi.