Populære bibelvers fra Exodo 10

Del

Niyan nagsiring kan Moises an GINOO, “Kadto ngan pakigkita han hadi. Ginpatig-a ko an kasingkasing niya ngan han iya mga opisyal, basi pagbuhaton ko dida ha ira ini nga mga milagro, ngan basi makagsumat ka han imo mga anak ngan mga apo kon gin-unan-o ko hin pagluronga han mga Ehiptohanon han pagbuhata ko han mga milagro. Mahibabaro kamo ngatanan nga ako amo an GINOO.”

Niyan nagsiring kan Moises an GINOO, “Bayawa tipalangit an imo kamot ngan malulukop an tuna han Ehipto hin madakmol nga kasisidman.” Ginbayaw ni Moises tipalangit an iya kamot ngan nagsirom ha bug-os nga Ehipto sulod hin tulo ka adlaw. Waray na gud maggigikitaay an mga Ehiptohanon ngan waray hira gumawas han balay sulod hito nga panahon. Kundi may-ada kapawa an mga Israelita didto han ira gin-uokyan.

Sanglit ginbayaw ni Moises an iya tungkod ngan ha bug-os hito nga adlaw ngan gab-i ginpahuyop han GINOO ngada ha tuna in hangin nga kabunghan. Han pagkaaga na, gindara hini an mga duron. Nagkaabot ini nga pinangon nga mga duron ngan hinmugdon ha bug-os nga nasod. Amo ini an gidadakoi nga mga pangon hin mga duron nga hinkit-an tikang ha tinikangan ngan diri na gud hikikit-an liwat.