Populære bibelvers fra Cakirok 21

Del

Rwoth owendo ri Sara paka oyido otieko waco, aka otimo ri Sara gima go oyido ociko.

Were owinjo dwondi nyathi, aka malaika pa Were olwoŋo Hagar wok i polo to penjo go ni, “Aŋo ma ramo cunyin Hagar? Ikir'ibedi gi lworo, rupiri Were otieko winjo dwondi nyathi kama go ywak'iye. Ay malo, itiŋ nyathi i cingin; rupiri abino loko go nono madwoŋ.”

Sara ogamo iye, aka onywolo ri Abraham wode i tiyo pere i hongo ma Were oyido otieko waco rigo.

Sara owaco ni, “Were otimo ran gi kisangala gi nyero. Kisi ŋat'owinji kwoŋe bino nyeran.”

To Were waco ri Abraham ni, “Ikir'irembi ri Isimayil kodi ŋeca perin Hagar, to tim gimoro je ma Sara waco rin; rupiri obedo luwo bongi Isaka, m'ibino limo nyikwayin m'atieko ciko.

Aka abino bende miyo wod pa Hagar nyithindho, ŋey bende jowolokere nono rupiri go bende obedo wodin.”