Populære bibelvers fra Yokana 12

Del

Umuundu yeesi uli umwakaanisi wase, ashiile khukhunondelela ise. Ni nase isi ndi, umwakaanisi wase naye niyo isi aliba. Uyo yeesi uli umwakaanisi wase, Paapa alimuwa shiriifwa.”

Umuundu yeesi ukana buulamu bweewe, alibufwilwa. Ne umuundu ubiyila buulamu bweewe mu shiibala shino, alibwibiikhila anyoole buulamu bubukhawawo ta.

Ilala, ilala, imbaboolela ndi, imiitso ye iŋaano ni khakwa mwiloba yaafwa ta, irama nga ili imiitso indweela yonyene. Ne n'imela, isaala bumiitso bukali.

Ise nayiitsa mu shiibala nga buwaanga, nio buli muundu uwufukiilila ise alekhe khurama mu shilima ta.

Ne isi umuundu yeesi uwulila bilomo byase, ne walekha khubitsiilakho ta, ise s'imukhalila kumusaango ta. Lwekhuuba ise shineetsa khukhalila shiibala kumusaango ta, ne njeeba khushiwonesa.

Lwanyuma Malyamu wabukula ikyupa iye kamafura kakawunya bulayi, ke bukusi bwe angaaki, wakahakha khu bikyele bya Yesu. Wabisiimulila litsuune lyeewe. Intsu yoosi yetsula khuwunya bulayi khwe kamafura ako.

bakhongola tsisakya tsye kamashendu baatsya khumwakaanila nga balomela angaaki bari, “Hosana, ali ni tsikhabi uyo uwiitsa mu lisiina ly'Omukasya. Wele awe Umuyiinga wa Isiraeli tsikhabi.”

Lwanyuma Yesu welamo ari, “Isaawa yoolele isi Umwaana w'Omuundu ashiile khufumisibwilamo.