Populære bibelvers fra Buraambi 5

Del

Kila Petero ni baarume belamo bari, “Khwandyakhiile khuuwulila Wele, ne shiili babaandu ta.

Na buli shifukhu Baarume baaba mu Lisaayilo Likhulu ni muungo tsaabwe nga beloosela khukhwilwatsa Kamakhuuwa Kamalayi kakawaamba khu Yesu nga niye Kristo.

Petero waamuloma ari, “Ananiya, shiina kila Sitaani akhwitsuulemo mu mwoyo kwoowo woola ni khuwoombesa Umwoyo Umukhosefu nga uramisakho shisiintsa she tsinusu tsitsamile mu liiswa? Abe nga liiswa ni lishiili khukulisibwa ta, shilyaba nga lilyoowo? Abe akhaba nga ni lyaakulisibwile, sishabeele khuusi iwe khukhola sheesi abe ukana? Ne lwashiina kila waambaasile shishiindu nga shino mu mwoyo kwoowo? Iwe siwawoombesele babaandu ta, ne wawoombesele Wele.” Aryo Ananiya nga n'awulila bilomo bino, welima aasi kumubwi, wasumbukha. Ni khuurya khukali khwawaamba ibo boosi babashiwulilakho.

Nashiryo, ni nebyo bibiiliwo aluno ari ise imbaloma ndi, ni murure khu baandu bano mubalekhe babe. Lwekhuuba noola inengekharengekha yino, namwe kimilimo kyaabwe kino kili kye babaandu busa, kane kikhaasikhane. Ne noola byeesi bakhola bya Wele, singene munyalise khubaakamisa ta. Lukana mwinyoola muri mulikho musoolanisa Wele.”