Populære bibelvers fra Bl 49

Del

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Jôsep thoi tơmơ̆ng hla 'long adrih 'lơ̆ng, Chăt cheng tu đak. Dơng tơ'bla hro jơ̆p kơ dur. Lu bơngai chĕp hră pơgreh sư. Prah 'brơ̆m tơ sư păng drŭt blah.

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran. Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

Ơ Juđa! Lu 'nhŏng oh e gô bơnê kơ e. Ti e gô 'bơm lu hơko lu ayăt kơ e, Lu kon drŏ-nglo inh gô sơtơ̆p kŭl-tăng 'bơ̆t anăp e. Juđa jơ̆ dăm-brang mơlôh; Ơ dăm! E đei rôp bơnă na anhăk ba brŏk, Sư sơtơ̆p kŭl-tăng, thoi dăm-brang tơno drum. Thoi dăm-brang akăn; hăm đei bu pơ̆n tơiung?

Rubên! Kon kơdră inh, Jơhngơ̆m pran inh blŭng-a tơdrong pran kơtang inh Đei tơdrong pơyom păng mơsêh. Kon nhen thoi đak poh-yă, na e pă đei tih hloh boih. Yua kơ kon tŏk tơ giơng 'bă, E tŏk kơpal giơng 'bă pơm mơgrĭ kơnê̆ noh!