Populære bibelvers fra Bl 27

Del

Apinh Kră Yang 'Bok Kei-Dei ăn kơ kon 'mui tŭk đơ̆ng plĕnh jur, Wă kơ đei mơ̆r kơ teh. Păng đei phe 'ba hăm sik plei hơmu rơkah rơkai. Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Êsâu khan hloi: Hăm trŏ đe krao sư Jakôp yua kơ sư đei 'bar wơ̆t boih sư pơjei iŏk tơdrong gơh đơ̆ng inh. Sư đei tơgar boih jing 'nhŏng kơdră păng dang ei tơgar dơ̆ng tơdrong pŭn hiôk đơ̆ng inh. Sư khan dơ̆ng: 'Bă ưh pă đei tơdrong pŭn hiôk kiơ dơ̆ng boih hă?

Isăk, 'bă sư pơma dơ̆ng: Âu anih e oei teh gô ưh kơ jing. Păng tŭk kư̆m ưh kơ gan jur đơ̆ng plĕnh. E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

Êsâu tơl: Ơ 'bă! Ih đei lăp pŭn hiôk noh đĕch hă? Apinh ih sơkat kơ inh hai đei tơdrong pŭn hiôk mơ̆n. 'Bă! Đơ̆ng noh Êsâu nhơ̆m.