Populære bibelvers fra Чапарзабазул ишал 11

Del

Гьенив ватун, Шаулги вачун, Антиохиялде тӏадвуссана Барнаба. Тӏубараб лъагӏел рехана кӏиясго гьениб. Гьеб лъагӏелалъго иман лъуразул агьлу данделъарал бакӏазде ун Барнабацаги Шаулицаги гӏемераб халкъалъе вагӏза-насихӏат гьабуна. Гьениб Антиохиялда тӏоцебе байбихьана муридазда христианалилан абизе.

Гьениве щвараб мехалъ Барнабада бихьана гьеб агьлуялда Аллагьасул баркат лъун букӏин ва гьелдаса вохана. Гьес киназдаго гьарана ракӏ-ракӏалъго Тӏадегӏанав Гӏисаде иман лъун къвакӏун чӏайилан. Живго гьев Барнабаги вукӏана Илагьияб Рухӏалъулги иманалъулги вугӏун цӏурав цӏакъ лъикӏав чи. Гьебмехалъги цӏакъго гӏемерал гӏадамаз Тӏадегӏанав Гӏисаде иман лъуна.

Тӏадегӏанав Масихӏ Гӏисаде иман лъурал нилъее гӏадинаб сайигъат Аллагьас цогидал халкъазеги кьолеб бугеб мехалъ Аллагьасда дандечӏаравани, дун щив чи ккелев вукӏарав? Гьеб хабар рагӏидал гьел гӏодоре риччана. Аллагьасе рецц гьабун гьез абуна гьанже Аллагьас цогидал халкъазеги рес кьун бугин абадияб гӏумру насиблъулеб тавбу гьабизе.