Populære bibelvers fra Матта 2

Del

Ва хулаъ учӀвган, дурариз БицӀирна Дугъан дада Марʼям рякъюру ва жилʼина ис духьну, Дугъаз икрам апӀуру. Хъасин, чпин пешкешар адагъну, БицӀириз тувру: гъизил, ладан кӀуру ицци ниъ хъайи ягъ ва смирна кӀуру багьалу дармансиб шейъ.

Иса Гьирод паччагьдин девриъ Ягьудия уьлкейиъ айи Вифлеем кӀуру шагьриъ бабкан гъахьнийи. Магьа, Ерусалимдиз ригъгьудубчӀвру терефнахъан аьяндрар гъюру. Дурари гьерхру: «Ягьудияйин паччагь хьуз пну бабкан гъашир нашди? Дугъкан хабар туврайи хяд ригъгьудубчӀвру терефнаъ кабхьну гъябкъюнчуз, ва Дугъаз икрам апӀуз гъафунча».

Аьяндрар, хяд гъябкъган, кьадар адрубкьан шад гъахьнийи.

Ва Гьироддихьна кьяляхъ махъадаканай кӀури нивкӀукди дябкъну, аьяндрар жара рякъюъди чпин юрдариз гъягъюру. Дурар гъушхъан, магьа Юсуфдиз нивкӀукди малайикди дуфну кӀуру: «Гъудужв, БицӀирна Дугъан дада увухъди гъадагъну, Египетдиз гьергну гъарах ва узу увуз хабар апӀайизкьан душваъ гъуз; фицики Гьироддиз, БицӀир пуч апӀбан бадали, Думу агуз ккунди а».