Populære bibelvers fra Матта 12

Del

КӀуразачвузки, инсанари чпин гьарсаб гьавайи гафнан жаваб гъиямат йигъан тувди. Фицики, яв гафариз дилигну, уву гьякь вая нягьякь апӀиди.

Эй битӀракан гъахьидар! Учвхьан, пис юкӀвар ади, ужуб гаф пуз фици хьибдичвухьан?! Фицики инсандин мелз, чан юкӀв фти абцӀнаш, гьаддикан улхури шулу.

Ужур касди чан хазнайиан ужуб, хъа чӀуру касди чан хазнайиан чӀуруб адабгъуру.

Гьаддиз кӀуразачвуз: адмийирин гьарсаб гунгьилан ва Аллагьдиз къаршу гафналан хил алдабгъиди, хъа Гирами Рюгьназ къаршу гафналан хил алдабгъидар.

Учву гьарра ва дидин йимишра гъяниб ву йипай, ясана гьарра ва дидин йимишра чӀуруб ву йипай; гьар йимишдиз лигну аьгъю шулу.