Populære bibelvers fra MATIU 2

Del

Ngere ram ahu vano lolo vale, ram lehi na maresu mei Meri retahine. Ram taigi hivo, ram hudugoroe, ko ram waga na nora matai gineu, ram bete hogogi lawea, a kol ko a gai buhoru ko a mir.

Jisas u vora beno a Betlehem lolo loloi venue ta Judia lo tarogi hi i Herot mo ratahigi. Siu ira mataisao huri na visiu dena vui matainaho ram vonai Jerusalem, ram hui vena, “?A maresu ngehilogo hi mo bei vora ve vin ratahigi gorora ta Judia? Huri gamai gau lehi na nona visiu lo vui matainaho, ko gam vonai ve gan huduhudu goroe.”

Ko ram lehi na visiu, ram havuhevu u liu huri.

Nge i God mo surire lo boborea ve ran mese vano taligu lobei Herot; siu ingere ram mule taligu lo vanuara lo matahala wagineu. Lo tagugi hi ira mataisao ingere rau mule taligu beno, a engsel nona Huqe mo serelue lawe Josev lo boborea, mo veve vena: “Maraga, gon lai na maresu mei retahine, nen toa nen vano lo vanue Ijib, ko nen toga aie vin dadari nain veve lawego. Huri Herot vin hikesi na maresu huri ve vin ue vagamatea.”