Populære bibelvers fra Mat 19

Del

Lɛ Yesu edu aŋu na ní ba aʋa a, lɛ ebu le onu si, “Ɔnɔ gbagbe ɔ́tratani ɔnɔnɔ kubu u, pɔ̀ Aya kɔ ɛ, kidɔ kakaa kiatani kɛ mɛ kuba ki yɛ ɛ.”

Lɛ loso bénu banɔ tiaʋa tɔ ɔ, pɔ̀ kisugya tile. “nite si kidiliɛ gi Aya akpɛ likpɔ ɛ, ɔnɔnɔ ɔ́ki lɛ kɛ mɛ ɛ.”

Lɛ Yesu ebu le onu si, “Kikla mlákla ní Aya liboe le me si ní okpese klɔ ɛ, Aya ebu ba onyime ni ɔdzɛ na a? Lɛ Aya apani si, ‘lɛ loso onyime aayurɔ yɛka ni yene tɔ yɛ nì yedze biakpɛ likpɔ ɔ, lɛ ba tiaʋa biadzi kisugya tile na a.’

Pɔ̀ Yesu egbe liboe aki ba si, “Mlaki tɔ banuvɔ ba baba mɔ klɔ; mlakítsi kude aki ba, lɛ ese linu si Aya yɛ Kaʋaŋaa ɛ, ba elu kanɛ kenu u.”

Pɔ̀ banɔ glegle gi benu batɔpu i, biaze bagɔgɔ, lɛ banɔ glegle gi benu bagɔgɔ abla ɛ, biadzi batɔpu u.

Lɛ ɔnɔ kakaa gi ayurɔ kupe loo, beneminyime, loo benemidzɛ, loo ɔka, loo one, loo bebi, loo inyɔɔ kɔkpɛ mɛ loso e, aamɔ bɛ elu ede alafa kɔ sanɔ, lɛ Aya aaki ɔniɛ ligbã mobloe le e.

Lɛ Yesu asi yɛ si, “Xe wɔpɛ si wuflɔ ɛki ligbã moblo le e, trɛ tɔ zɛɛda wɔ bidɔ mɛ petee atɔ kɔ kibɔɛ kí bepiplinete ba. Liaki si exo aaze ní wɔ awla ní lifunu ne; Atɔ wɔ pɔ̀ ɛ, ga kuni mɛ kude.”

Lɛ ebú le onu si, Ege lɛ loso wɔeʋi me liboe ní kidɔ gbã su u? Koŋu i, ɔnɔ tole ko ɔlɛ gi yɛ apɛ ɛ. Ga ní isã nɛ aʋa xe wɔpɛ si wutiku ní ligbã́ moblo le me e.”

Meedzini le epani si: liaze gagla ki oxonete si oti oku Aya yɛ Kaʋaŋaa mɛ sani si kposɔɛ ɔga trɔ̀ni yɛ liwu le me odo.”

Abla ɖii, mɛɛsi mlɔ si, xe onyime ɔtɔ egbe yedze ni kude dzedze onu gi aní enyimeboe alɔ ɛ, xe agbani ɔdzɛ dzedze e, kɔ onyimee liɛ klɔ alɔ ádzɛboe e.”

Lɛ Yesu asi yɛ badɔkpasi ba si, “Mɛɛtrɔ likla ní lɛ aʋa ɛki mlɔ si, liaze gagla ki bexonete ba si beti eku Aya yɛ Kaʋaŋaa mɛ.