Populære bibelvers fra GENESIS 27

Del

Pathian nih vân ah mi dâmtî a nan pêk hen na phâisen chu ṭhat tir seh! Fâng leh uain tam tak a nan pêk seh! Phun tla chu na to-aw si na sele, mi tla chu na mâika ah kûn na seh. Na unau tla zawzawng tlûnah lâirêltu si rawh, na nu thlâk tla chu na mâika ah kûn na seh. Siat an barhtu chu siatbarh hen um na seh, mal a nan sâwmtu chu malsâwm hen um na seh,” a ti.

Esau nih, “Hi hi hawng ka perpetnâk veinih asi rawh, a min ah Jakob ti ding rêng a si ngâk. Fapa tîr ka sinâk tâ nih hawng ka suh, tuah malsâwmnâk ka ting ding mi hawng ka lâk piak ving fâwn; kei rangah malsâwmnâk na zuah lo thlo ma?” a ti.

Churawhchun, Isak nih, “Vân ah mi dâmtî na rangah a um lo, Phâisen ṭha khawm na rangah a um lo rawh. Nangmah riamnâm hen na nung lai le, Na unaupa to-aw na si lai; Na hel tikah a thu tangah na um mi chu na suak teh lai,” a ti.

Esau nih a pa chu a ngiar vima rih: “Malsâwmnâk pakhat cho mazei na nei? Pa, mal hawng ka sâwm bâk me!” ti hen a ṭap nawlh fâwn.