Populære bibelvers fra Yakubu 4

Del

Mat a̱nia, nyi ghyuai á̱pyia̱ nyin a̱zaghyi A̱gwaza. Nyi nyia̱ na̱nvan ma̱ng A̱ta̱nyeang ka, a̱wot ka̱ na tyong ka̱ ghwon nyin.

Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.

Nyi ghyuai á̱pyia̱ nyin a̱zaghyi A̱gwaza. A̱wot a̱ na ta̱ngam nyin tazwa, a̱ nwuak nyin shi.

A̱tsak a̱lyiat, A̱gwaza nyia̱ nzi̱t shok gba̱mgbam, ji̱ lan a̱ka̱tuk nshyuo a̱ shya̱ mi̱ fwuo nzi̱t na a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak á̱niet ba̱ byia̱ gba̱p a̱pyia̱ a̱ni. A̱wot a̱ si̱ fa̱k shok á̱niet ba̱ ghyuai á̱pyia̱ mba a̱ni.”

Mat a̱nia, a̱tyu a̱ lyen kyang ku myim gu nyia̱ a̱ni, da̱nang gu nyia̱ nhu bah, a̱ nyia̱ a̱ka̱tuk nyia̱ wa.

A̱wot jen nang nyi nnaai A̱gwaza kyang a̱ni, da̱ nggu a̱ na nang nyin bah. Mat, nyi ni̱ naai ma̱ng a̱ka̱tuk a̱di̱dam. Nyi ni̱ chat nkyang nyi naai a̱ni, nyi ka nfa̱k nyinyang á̱pyia̱ nyin hwa ma̱nyin nyin.

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

Nyi na nyia̱ ni nyi ndyen si̱sak nang swuan nyin ji wu ndi a̱tson a̱ni? Swuan nyin ji li nang zwu, ji̱ ni̱ kwa a̱tsotson a̱ni. Ji̱ ni̱ kwa da̱ a̱bada̱dei njen, a̱wot ka̱ á̱ labeang bah, ji̱ tyak.