1
मत्तायोस 16:24
पुना गच्छरना NT (BSI)
KURUXBSI
फिन येसुस तंग्है चेलारिन बाचस, “नीकईम एंग्है चेला मना बेद्ददर होले, आर गे ताम तम्है नना बेद्दना लेका अम्बोर नना, ऊजी नू तम्है क्रुस आबोन चेड़'अरकी एंग्है गने चॊंख़्रना र'ई।
Sammenlign
Utforsk मत्तायोस 16:24
2
मत्तायोस 16:18
अउर हूँ ऎन निंगन ब'अदन का नीन पतरस हिकदय, ऎन ई चचड़ी मइय्याँ एंग्है कलीसिया आबोन कम'ओन, अरा खे'अना ही सवंग अदन जित'आ पोल्लो।
Utforsk मत्तायोस 16:18
3
मत्तायोस 16:19
ऎन निंगा मेर्ख़ा राजी ही कुँची गुट्ठिन चि'ओन, अउर नीन इन्द्रिइम ख़ॆख़ेल नू नना मल चि'अदय अदन धर्मेस हूँ नना मल चि'अदस, अरा नीन इन्द्रिइम ख़ॆख़ेल नू नना चि'अदय अदन धर्मेस हूँ नना चि'अदस।”
Utforsk मत्तायोस 16:19
4
मत्तायोस 16:25
एन्देरगेका नीकईम तंग्है उज्जनन तंग्गा गे उज्जा बेद्ददस होले, आस धर्मेस गने जनमजुग ही उज्जनन एबस'ओस, लिकिन आस एंग्है चड्डे तंग्है उज्जनन चि'अदस होले, आस धर्मेस गने जनमजुग ही उज्जनन ख़क्खोस।
Utforsk मत्तायोस 16:25
5
मत्तायोस 16:26
ओन्टा आलस ई ख़ॆख़ेल ता उर्मी जिनिसन अर्ज'ओस, अरा धर्मेस गने जनमजुग ही उज्जनन एबस'ओस होले, आस गे एन्देर नाफा मनो? आलस एबस्रका उज्जनन फेन ख़क्खा गे ऊजी नू एन्दरन हूँ चि'आ पोल्दस।
Utforsk मत्तायोस 16:26
6
मत्तायोस 16:15-16
तहाँ आस आरिन मेंजस, “लिकिन नीम एंगन नॆ ब'अदर?” ख़ने सिमॊन पतरस आनाकिर्ताचस, “नीन मसी, उज्जना धर्मेसी ख़द्दय हिकदय।”
Utforsk मत्तायोस 16:15-16
7
मत्तायोस 16:17
येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्ख्रका आलय, एन्देरगेका एकअम आलस मला लिकिन एकास मेर्ख़ा नू र'ऊ एंग्है बंगस ई कत्थन निंगा गे दहदर नंजकादस।
Utforsk मत्तायोस 16:17