Populære bibelvers fra Mathai 28

Del

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö. Kai ma nang ce tea thui saite särilo tängai hethang äni ce tea mätu haile pa ö. Tängai ö. Kai lä älawngpre teng te khytä nang ce hai mangtä awng jawjaw vi ai” näkha näpa.

Isu lä äkähui lawng hawlai netä na äteng-a ly kha “Säthaw ma Känipre-a hai älawngpre üng aenae angxynlyng na kai tea py vi dy.

Säthaw üng angtawtha lawngtä ma nawngmädi na tea “Ri ö hang. Nang ce lä thinglang qawng-a täheng kha bädü saite Isu bung mäqang ö te kai lä mäny dy. Isu lä hini mityng-a awng y dy. Äma thui te kätyng Säthaw ma kädü thung üng mätha haile vi dy. Äni üng äro bung bäsawng saite mityng kheng ö kae-e.

Isu ma äni ce tea “Ri ö hang. Kai üng kangby jä-ai kätyng-a bälung aevaw saite äkähui na tea ly kha Kalile khö-a ly hethang thui pa ö jo. Äni ce lä honi khö-a kai bung nung ö ai mang” näkha näpa.

Mäthykung käleng na hai Ubädi särae na lä aeting kha aedüng pyng ea reisae na tea tangkae awng mang-a py pa ö dy. Äni ce ma reisae na tea “Nang ce lä hikä thui he kae. Kärung thung-a kai ce i ea Isu üng äkähui na lä ly kha äro bung bäru ö ja vi näkha thui ö. Tukha hini phüng Pilata ma thai dylä, äni ma nang ce tea dengpy te ri y hethang kai ce ma thui pa ai mang” näkha näpa. Tukha reisae na lä tangkae la kha mäthykung käleng na mätu te kätyng thui pa ö dy. Reisae na ma thui te kätyng vaini khytä Judae na thung-a aethui ö jaw vi rawng.