Populære bibelvers fra Mathai 24

Del

Hunghö na lä awng mang kha khimi ce lä äma ce üng äpy tea bälung aevaw y vi dy. Tungaila kangteng khytä cakhi-a awng saite khimi tea lä Säthaw ma aeqang pa vi ai.

Tukha khimi ce ma Säthaw üng pre pyng te Angthang Kähawi älawngpre üng khimi qütä tea thui ai. Älawngpre üng khimi na lä hini angthang thai ö vi ai. Tupyng-a Säthaw lä hini älawngpre bung teng hai ai dy.

Nang ce lä kaenai üng täre aety saite tüng thai ö ai. Kähanglaw üng täre aety saite angthang na thai ö ai. Tungaila nang ce lä bälung aethüng ö hang. Hokäti amäjy na lä tyng ngece vi ai. Tungaila kangkhüng käni lä tyng te y vi rawng.

Ceng haetä hai haetä, pre haetä hai haetä täre aety ö ai. Mityng qütä-a pangtälü naw kha bötäkang la tho ai. Hini na lä nawngmädi lawngtä äma äby aepeng y te kälang-a äjo naw angcü te kätyng vi ai.

Käni hai älawng lä pra ngaila kai üng älo lä manila pra y vi ai.

Khimi awng mang saite na lä kai üng ämüng aengang kha ly ö ai. Äni ce ma ‘Kai lä Mesia dy’ näkha thui ö vi ai. Äni ce lä khimi awng mang saite na tea kaeling sa ö vi ai.

“Tupyng-a khimi ce ma nang ce bung ne kha mätang bälai-a sa ea bädü vi ai. Kai üng phüng-a khimi qütä lä nang ce tea esäre ö vi ai. Honi kätü-a khimi awng mang saite na lä äma ce üng yng te khaisö ai. Lawngtä tea lawngtä esäre kha äma ce tingtawi ae-a ö vi ai. Tukha buisaw käjüng aesa saite khimi na lä tho kha khimi awng mang na tea kaeling sa ö vi ai.

Isu ma äni ce tea “Nang ce tea ämi ma kaeling kaemae sa y hethang aerü rüng kha awng ö.

Nang ce kätü qütä aerü rüng kha awng hethang kae by. Ätephüng-a mei nädylä Kai, Khimi üng Cäpaw, lä nang ce ma aethang khai y te kätü-a tyng vi ai.

“Tukätephüng-a aerü rüng kha aering ö. Nang ce üng Areng lä mata kätü-a ly ai mei näte nang ce lä mäny ö y.

“Honi kätü hai käni lä mani tyng ai mei näte ämi la mäny y. Känipre üng angtawtha na la mäny y. Äcäpaw la mäny y. Pä-ai lawngtä xyng ni mäny haw te kae vi.

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Novae dung-a khimi ce sa ö te kätyng Kai, Khimi üng Cäpaw, ly haile te kätü-a khimi ce lä sa ö by vi ai. Tui cäqing tho hai y te kälang-a Novae üng sangphaw käleng thung-a kung te käni khytä khimi ce lä nei ca kha aepawng ea pawi na sa ö te vi. Äni ce lä tui cäqing tho kha äni ce angxynlyng na tui aesänung king te khytä ätemakä ai mei näte äni ce mäny ö y. Kai, Khimi üng Cäpaw, ly te kätü-a lä honi kätyng by vi ai.