Populære bibelvers fra Mathai 16

Del

Tupyng-a Isu ma äkähui na tea “Khimi lawngtä kai leithung hui hethang ngai dylä, äma üng kängai sai na khaisö kha dü hethang aerü rüng ea äma üng thinglang aepö kha kai leithung hui he kae.

Peterae ä, nang tea Kai thui ai dy nang lä kälung phö käleng haetä vi. Honi kälung käleng qawng-a kai ma kangkawng sa vi ai. Kädü mi haidae mäteng ma honi kangkawng tea bäja haw y.

Kai lä nang tea Säthaw üng pyng te pre üng saw na py ai. Nang ma älawng qawng-a sa hethang py y saite na lä Säthaw üng Känipre-a la py y by vi ai. Nang ma älawng qawng-a khimi ce tea sa hethang py saite lä, Säthaw ma Känipre-a sa hethang py by ai” näkha näpa.

Khimi lawngtä lä mä-ai ma üng hing saite tea aeqang he ngai dylä, honi khimi lä dungtäsa dü vi ai. Kai tähang dü saite khimi lä dungtäsa hing te dang vi ai.

Khimi lawngtä lä Käni, älawng angxynlyng na bung pyng king ngaila dungtäsa hing te dang y dylä, äma tähang äte la ävang ting te y dy. Mä-ai ma üng hing saite bung äte amäjy hai aeleng haw mei.

Isu ma äkähui na tea tudylä nang ce lä makä dawng ö mei. “Nang ce lä kai tea ämi näkha nä ö mei” näkha düng pa. Simon Peterae ma “Nang lä Hing saite Säthaw üng Cäpaw Mesia vi” näkha mäthang pa dy.

Isu ma äni tea “Jonae üng cäpaw Simon ä, nang lä tähang hawi. Makäte phüng-a mei nädylä hini kätüng phüng lä khimi ma nang tea mätu te y, Känipre-a Kai üng Pä-ai ma nang tea mäny hai te vi.