Populære bibelvers fra Markɛ 13

Del

Lyì bí gakó mʼa jí zùùrì ǹdʼába àmyɛ́ yil lé yilə, sə lò mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.”

Zəna á yírhə́, á bə̀kʼá dɛ̀ɛ̀ yé, bʼâ yə̀l dɛ̃ rɛ́ tɛ̀bɛ́ rə̀myɛ́ bàn mɔ́ yé.

“Bə̀ gə tú bə zə ába bə̀ la bùrsí jàà wà, sʼá bə̀kʼá zɛ̃̀ á nʼá tɛ́rɛ́ á wẽ́ á mʼá pyà kɔn dɛ́ tɛ̀bɛ́ á la lyár mɔ́ yé, sʼá lyár tɛ̀bɛ́ Yi la á wẽ́ co rə̀myɛ́ yi ní cìcì mú. È də̀ ámyɛ̌ cìcì á la zɔ̌m yé. Wɔ́ Eshirhə náàcɛ̀nɛ́ è mʼa tó á dɛnnɛ e zɔ̀m.

Dɛ̃̌ ǹdə́ cɛ y mʼa lyɛ̃, sə àmyɛ́ zɔ̀mà nɛ́ tʼâ la lyɔ̃ gaga yé.

“Lò lò yə̀l dɛ̃ rɛ́, ráá yi rí rə̀myɛ́ yé. Arəzana màlɛ́kabá myɛ yə̀l yé. Yi Byǐ mú myɛ cìcì yə̀l yé. Wɔ́ Da mɔ́ dúdú ń yě.

Bə̀ mʼa zɔ̀m jààsɛ̀ shɛ̀bɛ́ sə̀ nyɛ búlə́ yò ǹdʼába. Á bʼâ nyɛ̀ɛ̀ búlə́ dweme bwə́lbwə́ləə, sʼá bə̀kʼá dùr ywẽ yé, bə̀ kɔn wɔ́ nyɔ́ɔ́ sə rə̀myɛ́ gakó wɛ̀rhɛ́, sə è gwẽ̌ tʼâ la lũ zhɔ̌ yál yé.

Rə̀myɛ́ yilə, zəna á yírhə́, bʼâ yə̀l dɛ̃ rɛ́ tɛ̀bɛ́ kɛ̀lɛ́ y cə́bal mɔ́ mà n ká n bə̀ mɔ́ yé. È gə wɔ́ də̀dɛ̀nɛ́ ń ká ń bànà, ráá cəcɛ̃-swélé ne, ráá cə́-byə-cǐl ne, ráá cə-lár bɔ̀l wà, á yə̀l yé. Cenə jàn nɛ́, mùnì ga ń gə ká ń jàr jàr ń túwə́, sə ń bə̀ká n bə̀ n pwírí á dɛ̌ yé. Kɔn dɛ́ tɛ̀bɛ́ à nʼâ byili ába mɔ́, wɔ́ lyì bí gakó ne à nʼâ byili ri: zəna á yírhə́.”

Cɛmɛ bʼa zɛ̃̀ búlə́ ǹdə́ dwã; tənə̀rh mʼa zɛ̃̀ búlə́ ǹdə́ dwã; cɛ y mʼa zhízhǐ jààsɛ̀ nánzhəzhɔ̌ wa; nɔrh mʼa yə̀ nɛ́. È mʼa yə̀ ǹdə kɛ̃ pwǐ yin kùr-ju ta.

Wɔ́ nyɔ́ɔ́ sə bə jɛ̀rɛ̀ bə bwə̀l yò-ècɔ̀nɔ̀ nyí rí bə byili lũ w lyì bí gakó ne.

Lyì nánzhəzhɔ̌ mʼa bə̀ ǹdə́ àmyɛ́ yil lé, sə lò gakó mà n wɔ̀ bə̀ wɔ́ ńmyɛ̌ ń wɔ́ Kristə mó, sə bə̀ mʼa jə́jɛ̀rɛ́ lyì nánzhəzhɔ̌.

“Sə dɛ̃̌na á cìnə̀. Lyì bí mʼa zə ába bə vò bùrsì jàà wà. Bə̀ bʼa mà ába dwã-gùúlí jìsí wẽ́. Bə̀ mʼa zə ába bə vò cɛmɛ yó-cìnə́ ǹdə́ pyâ sono àmyɛ́ yilə. Sə rə̀myɛ́ yi ní, á mʼâ yə̀ à zhə̀n-cínnə bə̀ yilə.

Lyì mʼa fwĩ́ tɛ̃´ bə̀ nʼê jə́jɛ̀rɛ́ lyì bí, jàlà wɔ̀ bə̀ bə̀ wɔ́ Kristə mó, jàlà wɔ̀ bə̀ bə̀ wɔ́ Yi nyì-zwennə. Bə̀ mʼa wɛ̀rhɛ́ màmyaarhɛ ǹdə́ wò-jààrɛ̀, bə̀ mʼê jə́jɛ̀rɛ́ lyì bí. Kɔn gə wɔ̌ myɛ, sə bə jə́jɛ̀rɛ́ byɛ̀bɛ́ Yi cír mó

Yezu súlí n wɔ̀: “Dwã nɛ́ nə̀myɛ́ wẽ́, zúzúnú yi rí rə̀myɛ́ gə tú è lyɛ̃, nə̀nyɔ́nɔ́ w pwẽ̀ dé mʼa jé; cànà pwẽ̀ kʼê tʼâ la nɛ́ yál yé; cã̀mə́sɔ̌rh mʼa shí dɛ̃̌ sə ló tɛ̃´. Kɔn dɛ̀bɛ́ gakó rə̀ ŋwɛ́nɛ́ dɛ̃̌ yi w mú bʼa zhízhǐ.