Populære bibelvers fra Tio 19

Del

Yaʼne itiila saqi Jesuus inqʼa nikich itxhus tibʼ s-kʼatza. Tul ech tal Jesuus s-eche: —Kʼuxh tira yeʼ laʼ utxh vet ikolt tibʼ inqʼa xaol s-vatz, tiʼ yeʼ ibʼen tu kʼaxkʼo, poro vatz quBʼaal Tiuxh, tan kaqaayil kuxh laʼ itxʼol quBʼaal Tiuxh ibʼanaxeʼ, —xeʼt Jesuus.

Tan jit vet kaʼvaʼl vatz quBʼaal Tiuxh laʼ ibʼana. Pet vaʼl kuxh veteʼ. Echetz nik valte sete, jabʼiste uvaʼ quBʼaal Tiuxh nik aqʼon ikʼul tibʼ, tul yeʼxhabʼil vet vaʼq laʼ jatxon ixoʼl, —xeʼt Jesuus.

Yaʼne ech tal Jesuus s-eche: —Yeʼetzebʼ nik ibʼen sete kam u yol uvaʼ tzʼibʼamal ka uvaʼ, vaʼl kuxh vinaq, atz vaʼl kuxh ixoq iviinqixsa ka quBʼaal Tiuxh vatz u txʼavaʼ uvaʼs ixeʼt tzaan u qʼij saq. Tan ech vaʼt u yol tzʼibʼamal ka s-eche: «Laʼ taqʼ ka u vinaq itxutx ibʼaal. Tul laʼ ikʼul vet tibʼ tuchʼ u tixqel. Tul vaʼl kuxh vet itxhiʼoʼl u vinaq tuchʼ u tixqel laʼ ibʼana,» chich u yol.

Tul ech tal Jesuus te inqʼa nikich itxhus tibʼ s-kʼatza s-eche: —Yeʼ kuxh emaq tukuʼl inqʼa nitxaʼ sinvatz. Pet ukoqn ul, tan jaʼl uvaʼ ech vitxumbʼal, eche inqʼa nitxaʼ, tul aʼetz inqʼae, laʼ bʼen til qʼij isaq tal uvaʼ nik ibʼanvat quBʼaal Tiuxh iqʼesalil, —xeʼt Jesuus.

Tan mamala xaol nik taqʼ bʼen tibʼ s-nim vatz quBʼaal Tiuxh. Aʼetz inqʼa xaole uvaʼ, aʼ quBʼaal Tiuxh nik iqʼon kuʼl. Pet at xaol uvaʼ nik tiqʼo kuʼl tibʼ vatz quBʼaal Tiuxh, aʼetz inqʼa xaole uvaʼ, aʼ quBʼaal Tiuxh laʼ aqʼon bʼen s-nim.

Tan jaʼl uvaʼ laʼ taqʼ ka totzotz s-viʼ, atz laʼ taqʼ ka titzʼin tatzik, itxutx ibʼaal, tixqel, initxaʼa, atz itxʼavaʼ, tul sibʼxh vet vichʼexel laʼ aqʼax s-te viʼ uvaʼ laʼ taqʼ ka. Tul laʼ bʼen til qʼij saq uvaʼ yeʼl iyaʼebʼal imotxebʼal.

Tul ech tal Jesuus s-eche: —Ape. Oq nik asaʼeʼ uvaʼ laʼxh atxhabʼa tiqʼol uvaʼ nik isaʼ quBʼaal Tiuxh, tul quxh kʼayi ka jankʼal inqʼa kamaq eetz. Tul aqʼ vijaʼmil te inqʼa meebʼaʼ. Tul txhʼuyeʼven s-viʼ. Echetz bʼen eelte u mam bʼaʼnil tu amlikaʼ, —xeʼt Jesuus.

Yaʼne ech tal Jesuus te u vinaq s-eche: —¿Kam s-tiʼil ‹bʼaʼnla txhusul,› chich axh s-ve? Tan taʼn kuxh quBʼaal Tiuxhe bʼaʼn. Pet oqetz laʼ asaʼ bʼen eelt u qʼij saq yeʼl iyaʼebʼal imotxebʼal tul nima inqʼa bʼekʼbʼal, inqʼa alel ka taʼn quBʼaal Tiuxh, —xeʼt Jesuus.

Tan jankʼal, eche invaʼq kameeyo, tan yeʼ laʼ utxh ipal paʼl tuul ixotel invaʼq tzʼisbʼal bʼaq. Echatetz kuxh invaʼq u txʼiol iqʼije, tan tzaʼlxh s-te vibʼant quBʼaal Tiuxh iqʼesalil t-taanima, —xeʼt Jesuus.

Pet toq val sete: Yeʼ laʼ utxhi laʼ ituki bʼen u vinaq u tixqel, oq kam kuxh invaʼq s-tiʼil. Pet ech kuxh laʼ tutxhe, oq aʼ u ixoq laʼ iyansa tibʼ tuchʼ vaʼt vinaq. Tan oq loqʼs kuxh laʼ ituki bʼen u vinaq u tixqel, tul oq laʼ tiqʼo u vinaq invaʼtoʼq ixoq, tul yansa ibʼetz vete laʼ ibʼan u vinaq. Jaʼletz txhan vet u vinaq uvaʼ laʼ iqʼon vet u ixoq uvaʼ jatxel vet tibʼ tuchʼ vitzumel, tul yansa ibʼetz vete laʼ ibʼan s-kaʼbʼil, —xeʼt Jesuus.

Yaʼne ech tal vet Jesuus te inqʼa nikich itxhus tibʼ s-kʼatza s-eche: —Nuqxh toq val sete uvaʼ oqxh itzaʼlal te u txʼiol iqʼij vibʼant quBʼaal Tiuxh iqʼesalil t-taanima.