Populære bibelvers fra Jɛnesis 6

Del

Nɛ kumo be loŋ besa Enyɛnpe Ebɔrɛ na ga nseŋ jija mbe kagbene ŋkpal e ka to dimɛdi kasawule ere so so.

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Ama Nowa bre be asheŋ daŋ bɔlɔ Ebɔrɛ kenishi ga.

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Basa ka fara a wora keshi kasawule so nɛ b fara a kurge a kurge beche. Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil. Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.” Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

Ndoŋ nna nɛ Nowa wora kusɔ kama nyam nɛ Ebɔrɛ daŋ kaŋɛ mo fanɛ e wora na.

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Amoso, kuya ndibi kpakpaso n lɔŋɛ kuloŋ gboŋgboŋi nseŋ wora ebu wurbiana kumo to n ta kootal n laa kumo be epun to nɛ kaman to kikɛ nyam.

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

Keta kusɔbɔya be yiri kama be kenyɛnso nɛ kecheso n ti so n luri kuloŋ na to nɛ a tu menyi a wɔ ŋkpa to ndoŋ.