Populære bibelvers fra Proverbios 19

Nchónhña nkehe tjenka̱yáxin chojni sichꞌe sin, kjánchó jehó Itꞌéni Díos mé tsochronka ti nkehe tso̱hen.

Ti nkexro nchekjen ti chojni nóa la éxi chrókjuinchekjen sin Itꞌéni Díos nkojín nkehe, la jehe chꞌan tsje̱nke̱he chꞌan ti jehe sin kixin ti nkehe jína kjuíchꞌe sin.

Ti nkexro chónta kjuaxrexinkaon jína la tjokahya tónínkaon. Ti chojni chónta kjuasáye la tꞌitjáñehe ti nkehe nduáhya kjuíchꞌe ijnko chojni.

Tihín ti kjuaxrexinkaon jína la titekaoan, ndá chrꞌéxi̱n tso̱noha ti nkehe jína.

Ti tsjikosáyeheni Itꞌéni Díos la tíha tsjajon kjuachón, la kjuaxróxin tsꞌejójuani la í tso̱kohya ninkehó kjuachrakon.

Ti nkexro kꞌuitja kjuaxrexinkaon jína la tjue̱he a̱sén. Ti nkexro jína xráxinkaon ti nkehe kꞌuitja la jína tsjakꞌe.

Tjenduéhe xja̱an ti na̱xa̱ chájan, kjánchó jehya imá chrókónínkakohen hasta chrókꞌóñá xjan.

Ti chojni nduáhya chronka la tsjasóte sin la kaín ti chojni xrico kjuachꞌia la tsꞌitjáña.