Populære bibelvers fra Jueces 16

Del

Cʉ̃ seetojaca beꞌro caricũco niwõ: —¡Sansón, filisteo masã mʉꞌʉrẽ ñeꞌerã aꞌtitojama! nico niwõ. Sansón wãꞌcã, “Todʉporo weeꞌcaronojõ waꞌarosaꞌa”, ni wãcũcʉ nimiwĩ. Õꞌacʉ̃ cʉ̃rẽ wijaacã, ne masĩticʉ niwĩ.

Tojo waꞌari cura Sansón Õꞌacʉ̃rẽ aꞌtiro sẽrĩcʉ niwĩ: “Yʉꞌʉre wãcũña. Niꞌcãti yʉꞌʉre tutuase oꞌonemoña tja. Ye caperire filisteo masã oreweeꞌque wapa aꞌmegʉ̃tigʉ weeꞌe”, nicʉ niwĩ.

Tojo weegʉ caributicũmí, core queoro werepeꞌocãꞌcʉ niwĩ: —Yʉꞌʉ bajuase dʉporo “Õꞌacʉ̃ yagʉ nazareo cũunoꞌyutojagʉsami” ninoꞌcʉ niꞌi. Nazareo nitjĩagʉ̃, ye poari ne niꞌcãti seenoꞌña marĩꞌi. Ye poarire seecõꞌacãma, yʉꞌʉ tutuase peꞌtirosaꞌa. Mejõ nigʉ̃́ weronojõ tutuatigʉ tojagʉsaꞌa, nicʉ niwĩ.

Peje nʉmʉrĩ cʉ̃rẽ tojo cariboco niwõ.

Tojo weetoja, aꞌtiro caricũcʉ niwĩ: “¡Filisteo masã meꞌrã yʉꞌʉre wẽrĩcã weeya!” nicʉ niwĩ. Beꞌro nipeꞌtise cʉ̃ tutuase meꞌrã te tuturire tuunuadijocʉ niwĩ. Cʉ̃ tojo weecã, ti wiꞌi wiorã, tojo nicã nipeꞌtirã ti wiꞌipʉ níꞌcãrã buꞌipʉ doquepejacaro niwʉ̃. Tojo weerã wẽrĩpeꞌtia waꞌacãrã niwã. Tojo wee Sansón cʉ̃ wẽrĩrĩ nʉmʉrẽ cʉ̃ catiri ʉmʉcore wẽjẽꞌcaro yʉꞌrʉoro filisteo masãrẽ wẽjẽnemocʉ niwĩ.