Populære bibelvers fra Kata Lom 6

Del

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Li mal̥egenamu, kahoofoolaku kootut kubaj sembe li bukuluul, mata muñeˈe bukuluul jilet li kuŋen kata eluwaayi, bale li kájiyaku kata Ateemit joom.

Mó mújimuu, kábatiisaaku kan úbatiiseyaalimuu, nokoonokoo loon luketaaket min uhokoolaali li akila, bájum loon Ateemit Atuubaawu ayitenumulomuu Kilisita li eketayi li búkaanum bata sembaasu sáyiineniyaasu, alolaal foof li akaanolaal uloŋaal buloŋ bawunkul.

Jakum jiŋa’ wah wata eniilayi yooluul min jinaak jikaan kahoofoo loon eenimuu wah wata boot kakaan majakut. Jisenoolo min jilok boot li Ateemit loon bukan kayitowumulo li eketayi kubil koono li buloŋ. Jisenoolo foofuul feh boot kakaan wah wacole boot li Ateemit.

Uhaasaal kaanaku bóonowabu boololaal buhaanabu bubaaŋoolibaaŋoo li Kilisita li ekuluwaayi, mantee eniilayi yahoofoolemuu li ekajeni min ukataal kalako emiikeel yata kahoofoo.

Li manolamu, bukuluul foof jijokoolo bukan kan kahoofoo kukete li buko, ban li jóomi li buloŋ boot li Ateemit li hujokoolahu hooluul li Yéesu Kilisita.

Kama muñeˈe boot min oonaal buu? Mantee boot min unaak uhoofoolaal kale mantee kabonketaku kata Ateemit li kuhaŋ mabaj? Múk! Alolaal an emmuu kahoofoo lakeeket li alolaal, buu emmuu nokoo li umit uloŋaal li kahoofoo?

Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu. Bukuluul jífuffu’ li kahoofoo, ban li joono muñeˈe emiikeel boot kakaan wahawu wacolumuu.