Populære bibelvers fra Máciya 24

Del

Búl̥afutabu fan bumeeŋ li ésukayi bil gay, mó lí múji hufañahu han bukan kameeŋe kufañumuu kaabuku, li huhoko. Bale an ahankenumuu min átuk lit boot yok li húbanumahu, Ateemit fan afakenool.

Hulimahu unhu Hásuumaahu hata Jáyiiyaju fan huwaaleyi tanootan li adunaayi feh, min lako búhiisenum boot li ésukayi feh. Banumuu, kabanaku kata adunaayi li kukit kúliiŋul.

Fan jijam bukanabuku li kulob mata kutiik, li mata koone kata kutiik. Bale sákoluul. Mata wahawu unwu wóotisooti ubaj. Bale let fan lako kabanaku kata adunaayi.

Esúk fan eyito etiik li ésuk, jáyii li jitiik li jáyii. Fan baj bamuufaay ban bameeŋe. Etaamayi foof fan egoloo ban bameeŋe. Bale wahawu unwu feh uhinhin unokoo loon húkitumahu hata sílaamasu sata anaale li éluŋun.

Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.

Mata bukan kameeŋe fan kubil min kuŋa’ kajawaku kúmbaam min koonuul buko kommuu Afakenaawu! Ban fan kubunt bukan kameeŋe.

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji. Ban bukan kameeŋe fan kukat káyinen lí ínje. Fan kunaak kúhoolowoo, ban li kulatoo. Bukan kámale koon buko kufulofet koom, fan kúfulul ban fan kubunt bukan kameeŋe.

Yéesu li aaniil: — Jíkaanum, jakum bil an abuntuul.

Mó mújimuu bukuluul foof jíkaanum, mata Añool-An fan álaañul nan jiyinooleenut joon no láami li álaañul.

Mo emmuu kama jíkaanum, mata jihaasut hunak hay Amaaŋenawu ooluul ammuu li álaañul.

— Bale bajut an ahaase nay hunakahu unhu hommuu li húliiŋ, li nay ewaatuwayi inyu yommuu li éliiŋ. Kumalakaaku kammuu li emitayi kuhaasut. Añiilawu ahaasut. Atuubaawu bale ahaase.

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Mata wahawu wabaj nomuu li taŋayi yata Nówe, wo foof wommuu li ubaj nan Añool-An ammuu li álaañul. Mata li kunakaku kákibbenumuu malamu máamakamu mameeŋenumuu etaamayi feh, bukanabuku kunaanaak kutiñ li kuhob, li kunaak kuyab ban li kukaan bañooliil buyabo, boot yok hunakahu nan Nówe anokenumuu li busaanaabu báamakabu. Bukanabuku kuhaasut koon wah unwu li ubaj, boot yok nan malamu máamakamu mubilumuu mutebiil foofiil feh muwujetum. Muñaˈa foof emmuu li bil nokoo nan Añool-An ammuu li álaañul.