Populære bibelvers fra Matayo 1

Del

Akūbyala Ng'wana ngosha, ū bebe ūkūng'wilīka ī lina lyakwe Yesu; nguno hū ng'wene ūyo akūbapīja a banhū bakwe kūfuma mu shibi shabo.”

“Munhya ng'wilindu akūbūūcha nda, na akūbyala ng'wana ngosha, ūyo bakūng'wilīka ī lina lyakwe Emmanueli.” Makūlū gaho, “Mulungu alī hamò na bise.”

Kwike aho ataalī ūyiganika ī mihayo yenīyo, malaika wa ng'wa Seeba ūng'wilongela mu shilooti; ūng'wīla gīkī, “Yosefu ng'wana wa ng'wa Daūdi, ūtogohage ū kūnsola ū nke wako ū Malia; nguno ū Ng'wana ūyo alī ū mu nda yakwe alīho kūlwa būdūla bo ng'wa Moyo Ng'wela.

Hūna lūūlū, ū kūbyalwa kwa ng'wa Yesu Kilisto kūkaja gīkī, ū nina ū Malia walī alūnjiwe na Yosefu; alīyo aho bataalī kwitoola, ūbonwa alī nda kūlwa būdūla bo ng'wa Moyo Ng'wela! Ū Yosefu aho wagūdeeba ū mhayo gwenūyo, ūbona aneke. Alīyo īkī walī munhū ntūngīlīja, akandya kwiganika nzīla ya kūneka chiza; atizūngoola.