Populære bibelvers fra Mateyu 21

Del

‘Olio ˻Pulu Yemone paa sike lipe taponjimbemonga ‘Teamili.’ nimulú mele sike manda aku sipu temolo.’ molo ‘Nimulú kinie sike aku sipe wendo ombá.’ ningu˼ tondolo munduku pilkulie ˻Pulu Yemo kinie˼ ungu ningu mawa tenge mele pali Pulu Yemone sike tenjimbemonga kanu uluma sike wendo ombá.” nirimu.

Yesusini pundu topa nimbendo: “Nane enendo paa sike nimbu sikirumu: Ene konopu talo tepa na pepili ˻Pulu Yemone nanga ungumu sike pilimbemonga nimbú mele ‘paa sike wendo ombá.’ ningu˼ tondolo munduku pilíngi liemo nane i unju pikimu tendu mele manda tenge. Unjuma mindi molola. Ne ma pangimundu “Ungú toko nomu kusana sukundu pui.” ningí kinie pumbela.

Kumbi lelko puringi yambomane kepe akilku oringi yambomane kepe naka lelko unju ambololiku pukulie ningindu: “˻Ye Nomi Kingi˼ Depisini Kalopa Lirimu Yemo ‘Imbi ola molopili.’ niemili. Pulu Ye Yawene lipe mundurumuna yunge kongonomo tenjimbe okomo yemo molopa konjipili. Mulu koleana ola yu imbi ola molopili.” niliku puringi.

enendo nimbendo: “Pulu Yemonga bokuna ungu te i sipe nilimo: ‘Yambomane nanga ulkemondo “Pulu Yemo kinie ungu nilimolo ulkemo.” ningí.’ kanumu. Ungu aku sipe molemo nakolo enene i ulkemo ‘wa nolemele yamboma lopi teko molemele ulkemo’ mele ningu pilkulie aku siku telemele.” nirimu.

“Enene kolea aili Sayono yambomando i siku niengi: “Kanayo! Ene molemelena enenga ye nomi kingimu okomo. Yu ye imbi na mololi yemo mele taka lepa molemomo kongi dongi bulu mingine molopa okomo. Kongi dongi tenga walomonga bulu mingine molopa okomo.” ningu, ningu siei.” nirimu kanumu. ˻Aku nirimu mele Yesusi terimu.˼

Yesusini ˻Pulu Yemonga Juda yamboma nokoringi yemane yu toko konjingí mele pilipelie˼ enendo nimbendo: “Pulu Yemonga bokuna sukundu molemo ungu te kanoko na pilimeleye? ˻Aku ungumu i sipe mele:˼ “Ulke takoringi yemane kanoko keri kanoko toko ele teringi kou kanumu kinié kelepa ulke simu mele ulke enge sinjili kou aili peangamo. Ailimuni aku ulumu terimu olione kanopo paa peanga kanolemolo.” nimbe molemo kanumu.

Aku ˻nirimu˼ munge nane ene ˻Pulu Yemonga Juda yamboma˼ nimbu sikirumu: Pulu Yemo enenga ye nomi kingi molopa ene nokolemo mele mundupe kelepalie nimbémone, yambo talape lupe tene yunge ungumu pilku liku teko molongema lipe nokomba.