Populære bibelvers fra Matthew 22

Del

Ya alyon Jesus di, Mahapul an nahamad di pamhod ta'u i Apu Dios ta hiyay pangiyohhaan ta'uh nomnom ta'u ya nitaguwan ta'u. Hinaey na'anhan an tugun hi unudon. Ya hay mi'adwa ya nan pamhodan hi ibba an umat hinan pamhod hi adol.

Danaen duwan tugun ya inam'amdan namin nadan Nitudo' an Tugun ya nadan tudtudun nadan propeta.

Ya innayun Jesus an alyon di, Immannung an dakolday na'ayagan mu oh'ohhaday mapilih middum.

Hanadan tatagun mamahuwan ya adida mo mangahawa te umatdah nadan anghel hi ad abunyan an adida mangahawa.

Iyaliyu'ehtu nan pihhu an pumbayadyuh buwis ta tigo'. Ot idatda. Ya alyonay, Nganney ud angah ya ud ngadan hinan wa ituwen pihhu? Ya alyonday, Hiyah nae nan patul hi ad Roma. Ya alyon Jesus di, Idatyu nadan buwisyu i Ceasar te hidiyey midat eh'a i hiya te hiyay patul. Ya atbohdin idatyu i Apu Dios nan lebbengnan midat i hiya.