Populære bibelvers fra PENGANEU' LAWAH 5

Del

Péterus ngan irah lawah Tuhan éh jah mipa éh, ka' ha' réh, Adang éh tekep mé' kivu sohoo' Allah jin hun mé' kivu sohoo' kelunan awah.

La'ah siget dau pu'un irah lawah nebaraa' réh tong umaa' Allah ngan tong lamin kelunan ngan perengah Rengah Jian tong Yésus Iah ke' éh Kristus.

La'ah ka' ha' Péterus ngan néh, O Ananias, uban ineu' ke' kejeraa' Sitan masek lem kenin ko', ke' ko' kenyo ngan Sahéé' Ni'ai, ngan modoo' jelua' rigit éh nalaa' ko' jin tana' inah ri'? Hun ko' to bé' jak melih tana' inah, anah koo' ke' éh. La'o ko' melih éh, kekat rigit éh nalaa' ko' tong néh, anah koo' ke' éh. Hun néh kenat uban ineu' ke' seruh juk kenyo kenat? Bé' ke' kenyo ngan kelunan awah, bang pu'un ke' kenyo ngan Allah, ha' Péterus ngan néh. Hun Ananias menéng ha' néh kenat, tioo kuba' éh ngan béé laset. La'ah kekat kelunan éh menéng rengah inah, medai mu'un réh.

Kenat akeu' bara' tong rawah inah, mai keh maneu' ineu'-ineu' tong rawah iteu' kepéh, turut ke' rawah awah, uban hun ha' tebaraa' roh ngan kereja' roh pu'un jin kelunan awah, adang néh juk béé kepéh vam. Bang hun néh pu'un jin Allah, bé' keh omok kebéé éh, jian keh seruh jian-jian dai keh ngelawan Allah, ha' Gamaliel nah. La'ah pu'un irah Komiti sebayang Yahudi kivu sohoo' Gamaliel kenat.