Populære bibelvers fra Amatie 28

Del

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ. La ya zãsʋm ba tɩ ba sakɛ bõn-sɛba wuu tɩ mam bɔ ya nõorɛ tɩ ya ɩta la. La bãŋɛ-ya tɩ mam boe la ya mɛ wakatɛ wuu, halɩ tɩ la ka paagɛ dũnia ba'asgɔ.»

Tɩ Azezi lɛm ba, yele ba yetɩ: «Nawẽnnɛ bɔ mam pãŋa wuu n boe saazuum, la tẽŋa wã zuo mɛ.

Tɩ malɛka la yele pɔgsɩ la yetɩ: «Da zoe-ya dabeem, mam mi tɩ ya eerɩ la Azezi tɩ ba ka dɔ-puurŋa zuo kʋ la. A ka boe kalam. A vo'oge mɛ wʋ ẽn daan yele se'em na. Wa'am-ya wa bɩsɛ ban daan bĩŋe ẽ zẽ'e-sɛka la

Tɩ Azezi yele ba yetɩ: «Da zoe-ya dabeem, sẽŋɛ-ya ka yele m sɔbiisi la yetɩ, ba sẽŋɛ Galile, tɩ la de la bilam tɩ ba wʋn yẽ mam.»

Tɩ kãabgɔ kẽma nẽŋadõma, la tẽŋa la kẽma la lagsɛ kʋ nõorɛ ayɩla, bɔ sʋdaasɩ la ligri zozo'e, dee yele ba yetɩ: «Yele-ya nẽrba la yetɩ, yʋ'ʋŋɔ tɩ yãma gã gĩsra dee tɩ Azezi karẽnbiisi la wa'am wa zũ kũm na. La gɔmna la sãn wõm bɛla, tõma wʋn tɔgɛ la ẽ lɛ, yese ya yelle la pʋam.» Tɩ sʋdaasɩ la to'oge ligri la, dee ẽŋɛ wʋ ban yele ba se'em na. Tɩ yetɔg-ẽŋa saagɛ Zifdõma la tẽŋasʋka halɩ wa paam zĩna.