Populære bibelvers fra NŌMIPA 13

Del

Pea na‘e lolomi ‘e Kēlepi ‘a e me‘a ‘a e kakai kia Mōsese, he‘ene pehē, Tau ‘alu hake leva, ‘o ma‘u ia: he te tau lava noa pē.

Pea mau mamata ai ki he kau saiāniti ko e hako ‘o ‘Ānaki, ‘a ia ko e hako ‘o e fa‘ahinga lalahi: pea na‘a mau hā kiate kinautolu ko e fanga he‘e pē, pea pehē ‘emau hā kiate kinautolu.

Ka ko e tu‘unga me‘a na‘a nau ō mo ia na‘a nau pehē, ‘E ‘ikai te tau lava ke ‘alu ‘o tau‘i ‘a e kakai, he ‘oku nau mālohi ‘iate kitautolu.

Pea na‘a nau fakaongokovi ki ha‘a ‘Isileli ‘a e fonua na‘a nau asiasi, he‘enau pehē, Ko e fonua na‘a mau ‘alu atu ai hono asiasi ko e fonua ia ‘oku ne keina ‘a e kakai ‘oku nofo ai; pea ko e kakai kotoa na‘a mau mamata ai ko e kakai lalahi.

Pea nau ‘a‘au kiate ia ‘o pehē, Na‘a mau a‘u ki he fonua na‘a ke fekau kimautolu ki ai, pea tā ‘oku mahutafea ‘i he hu‘akau mo e honi; pea ko hono fua ē.

Ko hono me‘a pē ‘oku mālohi ‘a e kakai ‘oku nofo‘i ‘a e fonua, pea ‘oku ‘aa‘i ‘a e ngaahi kolo ‘o fu‘u lalahi: kae‘uma‘ā foki na‘a mau mamata ki he hako ‘o ‘Ānaki.

‘Oku nofo ‘a ‘Amaleki ki he fonua ko Tonga: pea ko e Heti mo e Siepusi mo e ‘Āmoli ‘oku nofo ‘i he fonua mo‘unga: pea ‘oku nofo ‘a e Kēnani ki tahi, pea mo e tafa‘aki ‘o Soatani.

Pea na‘a nau ‘alu ‘o a‘u kia Mōsese mo ‘Ēlone mo e fakataha kātoa ‘o ha‘a ‘Isileli, ki he Toafa ‘o Pēlana ki Kētesi; pea nau tala kiate kinaua mo e fakataha kātoa honau fekau, pea nau ‘ange ‘a e fua ke nau mamata ai.