Populære bibelvers fra KO ‘EKISOTO 2

Del

Pea na‘e ongo‘i ‘e he ‘Otua ‘enau to‘e, pea ne manatu ki he‘ene fuakava mo ‘Epalahame mo ‘Aisake mo Sēkope. Pea na‘e hāngaifofonga ‘a e ‘Otua ki ha‘a ‘Isileli, ‘o ne tokanga‘i.

Pea fuoloa fuoloa pea pekia ‘a e Tu‘i ‘Isipite: pea na‘e to‘e ‘a ha‘a ‘Isileli koe‘uhi ko e fatongia, pea na‘a nau tautapa; pea na‘e a‘u hake kia ‘Elohimi ‘enau tangi tokoni koe‘uhi ko e fatongia.

Pea ‘i he‘ene tupu ‘a e tamasi‘i, na‘a ne ‘ave ia ki he ‘Ōfefine ‘o Felo, pea na‘a ne tama ‘aki ia. Pea na‘a ne fakahingoa ia ko Mōsese (ko Toho-mai) he‘ene pehē, He na‘a ku toho mai ia mei he vai.

Pea me‘a mai ki ai ‘a e ‘Ōfefine ‘o Felo, ‘Ave ‘a e tamasi‘i ni, ‘o tauhi ma‘aku, pea te u ‘atu ‘e au ha‘o totongi. Pea to‘o ‘e he fefine ‘a e tamasi‘i, ‘o ne tauhi.

Mo e ‘alu hifo ‘a e ‘Ōfefine ‘o Felo ke pālutu ‘i he vaitafe; pea ‘alu holo hono kau fefine ‘i he ve‘e vai; pea na‘a ne vakai ‘a e ‘a‘ake ‘i he loto kutu, ‘o ne fekau atu ‘ene kaunanga ke ‘omai.

Pea ‘i he faifai pea lahi ‘a Mōsese, na‘a ne ‘alu atu ki tua‘ā ki hono kāinga, ‘o mamata ki he‘enau kavenga‘ia: pea ne vakai ha siana ‘Isipite ‘oku ne taa‘i ha Hepelū, ko e taha ‘i hono kāinga. Pea ne fakasio ki hē mo ē, pea ‘i he‘ene vakai ‘oku ‘ikai ha taha, na‘a ne te‘ia ‘a e ‘Isipite, ‘o ne tanu ia ‘i he ‘one‘one.