Populære bibelvers fra KO ‘EKISOTO 10

Del

PEA na‘e folofola ‘a Sihova kia Mōsese, Hū atu kia Felo; he kuo u fakapepe‘e hono loto mo e loto ‘o ‘ene kau tamaio‘eiki, koe‘uhi ke u fai ‘a e ngaahi faka‘ilonga ni ‘i honau ‘ao: pea koe‘uhi ke ke ‘a‘au ‘i he telinga ‘o ho‘o fānau mo e fānau ‘a ho‘o fānau ‘a ‘eku fai tūkuingata ‘i ‘Isipite, mo e ngaahi faka‘ilonga kuo u fokotu‘u ‘i honau lotolotonga; ke mou ‘ilo ko Sihova au.

Pea folofola ‘a Sihova kia Mōsese, Mafao atu ho nima ki langi, pea ‘e hoko ha fakapo‘uli ki he fonua ‘o ‘Isipite; ‘io, ha po‘uli ‘e ala faa‘i. Pea mafao atu ‘e Mōsese hono nima ki langi, pea na‘e hoko ki he ngaahi feitu‘u ‘o ‘Isipite ha po‘uli ‘o e po‘uli, ‘o ‘aho tolu. Na‘e ‘ikai sio ‘a e taha ki he taha, pe tu‘u ha taha mei hono ta‘utu‘anga ‘i he ‘aho ‘e tolu: ka ko ha‘a ‘Isileli kotoa na‘e ‘i ai ha maama ‘i honau ngaahi nofo‘anga.

Pea mafao atu ‘e Mōsese hono tokotoko ki he fonua ‘o ‘Isipite, pea na‘e fakaangi ‘e Sihova ‘a e matangi hahake ki he fonua ‘i he ‘aho kotoa ko ia mo e pō kotoa; pongipongi hake kuo ‘omi ‘e he matangi hahake ‘a e he‘e. Pea na‘e ‘alu hake ‘a e he‘e ki he fonua kotoa ‘o ‘Isipite, ‘o tālolo ‘i hono ngaahi feitu‘u kotoa: ko e me‘a mamafa ‘aupito; na‘e ‘ikai ha he‘e pehē ‘i mu‘a, pea ‘e ‘ikai pehē ki mui.