Populære bibelvers fra ‘Apositoló 5

Del

Pea tali ‘a Pita mo e kau ‘Aposetolo, ‘o nau pehē, ‘Oku totonu pē ke fai ki he pule ‘a e ‘Otua ‘i he pule ‘a e tangata.

Pea ko e ‘aho kotoa pē, ‘i he Temipale pea ‘i ‘api, na‘e ‘ikai tuku ‘enau ako mo malanga‘aki ‘a Sīsū, ko e Mīsaia ia.

Pea pehē ‘e Pita, ‘E ‘Ānanaia, ko e hā kuo ke tuku ai ke fā‘ofale ‘a Sētane ‘i ho loto, ke ke lohiaki‘i ‘a e Laumālie Mā‘oni‘oni, mo ke tuku ha me‘a mei he totongi ‘o e konga kelekele? ‘I he te‘eki ke fakatau, ‘ikai na‘e ‘o‘ou pē? Pea hili hono fakatau, ‘ikai na‘e ‘a‘au ke fa‘iteliha ki hono pa‘anga? Ko e hā na‘a ke tali ‘ai ai ‘i ho loto ‘a e me‘a ni? Tala‘ehai ko ho‘o lohiaki‘i ha tangata, ka ko e ‘Otua. Pea ‘i he fanongo ‘e ‘Ānanaia ki he lea ko ia, na‘a ne mape‘e ki lalo ‘o hokotaki: pea na‘e tō ha fu‘u ilifia ki he kakai kotoa pē na‘e fanongo ki ai.

Pea ‘i he me‘a ko eni ‘oku ou lēlea atu, Tu‘u ‘atā mo e kau tangata ni, pea tuku ai pē ā kinautolu: he kapau ‘oku mei he tangata ‘a e fakakaukau ko eni mo e ngāue ni, ‘e ngata: ka ‘o kapau ‘oku mei he ‘Otua, ‘e ‘ikai te mou lava ke fakangata kinautolu: kae‘uma‘ā foki na‘a ‘iloange ‘oku mou tau‘i ‘a e ‘Otua.