Populære bibelvers fra Proverbios 11

Del

Aints surichu kuikiartin wajastinuitai. Tura aints chikichan ni yuumamurin sua nusha ni yuumamurincha tuke wainkatnuitai.

Aints surichu ni waririn suritsuk chikich aints ainaun suinayat, ni waririn nuna nangkamasarang untsurin jukiartin ainawai.

Wikia miajuitjai tumamin ainaun chikich aints ainau nakitinawai. Tura jampechu ainauka paan nintimrartin ainawai.

Aintsu apuri ni aintsrin tu pujustaram tutsuk pujamtai, nu yaktanmangka itiurkachmin nukap atinuitai. Antsu chicharkartin nintip untsuri pujusar, ni yaktarin emtikiartinuitai.

Pengker nintintin ainauka numi nerek wajawa nunisarang ainawai. Tura asar tuke iwiaaku pujusartinuitai. Tura chikich ainaun: Yus umirkata. Turakmeka uwemratatme tinu ainauka nekasar paan nintimsar pujuinawai.

Aints aujmakratin ainau chichaman jukiar, etserkaip tinamaitiat, pachitsuk etserkini wekain ainawai. Antsu aujmakartichau ainauka chichaman antukariat etserchau ainawai.

Aints wait anengkratnuka ningki pengker awajmamui. Antsu aints wait anengkratchauka ningki timiá pase awajmamui.

Aints kuikiartin: Wina kuikiarjai yuumatsuk pujajai tauka itiurkachminnum iyaartinuitai. Tura asa numi nukee kaarua nunisketai. Antsu pengker nintinniuka numi nukee samek aina nunisketai.

Yus mash aints ainau takatrin tura nintimaurincha itiur ainawa tusa jiistin kintia jeamtai, nu aintsu kuikiaringkia niin pengké yaingchatnuitai. Antsu Yusen nintimsar pujuinauka tuke jakatniunam wetsuk uwemrartin ainawai.

Aints pengker nintimsar pujuinauka ni turinamurinka tuke pengker nintimsar turinawai. Antsu jimiar nintimtin ainauka jimiaran nintimu asaramtai, mengkakartin ainawai.

Nuwa shiirmawach ayat, nintinchau pujakka, uwejnum uwejtai kuri najanamun kuchi nujin nujkamua nunisketai.

Meram nekapmatai ainau metekchau arti tusangka Apu Yuska nakitawai. Antsu tuke metek arti tusa wakerawai.