Populære bibelvers fra Salmo 103

Del

Too mdà di nawagu mlé fye di Amugu Dwata, na làgu glifet i kdee kafye gablén di deg.

Mlifet kenen i kdee salàgu, na fanguléan i kdee tdukgu. Kenen i msò deg mdà di fati na mlé deg kafye mdà di kakdon landè kgilin. Fananoan nawagu i dad fye blén deg di klogu mto, taman samfulê i galgu salngad di lamnok agu fa na salngad di gal i kablak.

Too mdà di nawagu mlé fye di Amugu Dwata; kayègu ku too sikof kdayengu Dwata too mtiu.

Too nun kakdon i dad to nun klikò di kenen, salngad kakdo i satu mà di kenen dad ngà.

Na laito gagan mtas i kawag i guflana Dwata i salaito mdà di gito, mawag fa di gusut i duh mdà di gusdafan.

I Amuito Dwata too kamdo, too bong nawan dad to; laan mlal flabè, na too bong i kakdon na landè kgilin.

Laan fanlayam i to gablà di kbong salaan, i kbalasan dad salaito là salngad di kbong ksasè i nimoito, du i kakdon dad to nun klikò di kenen, landè kgilin, na too là gagan mtas dun; salngad di kdatah i langit di tah tanà i kalbong nawan dale.

Ditù di langit gumagot i Amuito Dwata, na kenen i harì mebe i kdee.