Populære bibelvers fra Éksodus 15

Del

Na manan di dale, “Ku tooyu agu nimen, na i nimòyu too matlu di kitegu, na làyu fbayà bay nimenyu i dad flalògu gamu, làta gamu fanlayam di balù tan i tduk i taflayamgu aye i dad to Idyif. Agu sa Dwata i Amu, i fgulê gamu.”

Dwata i Amu, i gumlingaggu na gumdà i galgu. Kenen i falwà deg di dad to dmuen deg. Kenen i Dwatagu, taman, dnayengu kenen. Kenen i Dwata fnangamfù dad gutambulgu, taman, dnayengu i kdatahan.

E, Amugu Dwata, simto dad mule i gasngad ge? Simto i salngad ge, i ktium too mdatah? Simto i salngad ge, i bong knengam too gamtikeng? Simto i salngad ge, i bong gnaganam di kimoam dad tnikeng?

Fagu di kakdom landè kgilin, dnohoam kadang i fakangam, na nalakam i dad to tansoam mdà di falel i dad to dmuen dale. Fagu di bong gnaganam, gmagan ge malak dale di banwe i gumneam, i tagaam dale.

Kafnge én, kel ale di banwe Marah, bay là ale gamginum i yéélan, du too féét, taman dnagitla Marah, du gumtatek i dagitan féét. Taman, nugak i dad to Mosis, na snalekla, “Na, tan sa i ninumito?” Di kaklinge Mosis i ugakla, too kenen fakdo mni tabeng di Dwata i Amu, na fiten di kenen i kayu lbatù. Nwè Mosis kayu én, na batan ditù di yéél, na i yéél talaan nan féét. Klola mnè déén, banlé ale Dwata i Amu dad flalò gablà di knèla, na tnilewan i ksaligla di kenen.