Populære bibelvers fra Kulawa 15

Del

nakawalonjela, “Wone molihulichiza goya lizi lya heni Mkulu Nguluwi, Nguluwi wa hemwe, na kudita gawele goya kwa heni, na kibatilila mzilo na malajizo ga heni geng'ha, lelo heni siwagalila gala matamwa gondiwegalile Wamisili. Kwa vila, heni ndo Mkulu Nguluwi ndilinguwosela hemwe matamwa.”

Mkulu Nguluwi ndo mong'ho na chiwalo cha lwimbo lwangu, heye ndo ulohozi wa heni. Heye ndo Nguluwi wa heni, nani ndomtogola. Ndo Nguluwi wa mhaza wa heni, nani ndomha ukulu.

“Gwaa Mkulu Nguluwi, yalikohi yawele kota hegwe kuli milungu? Yalikohi yawele kota hegwe yawele yelile mkulu, ulingudumbiza kwa madito makulu, ulingudita mbuli za kububuwaza?

“Gwegwe kwa igano lya hegwe lya kwimilila, nakuwalongoza wanhu wouwagombole, kwa mong'ho wa hegwe nakuwalongoza mbaka koulingikala helile.

Lowafichile honhu halinguchemigwa Mala, hawajezile kunwa mazi ga Mala kwa vila nagali na usungu. Kwa chiwalo acho, honhu aho nahachemigwa Mala. Lelo wanhu weng'ha nawamng'ung'utila Musa wolonga, “Lelo tonwa choni?” Aho Musa nakamlilila Mkulu Nguluwi, na heye nakamlajila nhagala ya igodi, na Musa nakazwika mli mazi ago na baho mazi ago nagawa ganojile. Ako Nguluwi nakawapa Waisilaeli ilajizo na mzilo, leka yawajeze hewo