Populære bibelvers fra Matteus 5

Del

Ingen tenner ei oljelampe og set henne under eit kar. Nei, ein set lampa på ein haldar; då lyser ho for alle i huset. Slik skal lyset dykkar lysa for folk, så dei kan sjå dei gode gjerningane dykkar og prisa Far dykkar i himmelen!

De er lyset i verda! Ein by som ligg på eit fjell, kan ikkje gøymast.

Sæle dei reine i hjartet, dei skal sjå Gud.

Sæle dei som hungrar og tørstar etter rettferda, dei skal bli metta.

Men eg seier dykk: Elsk fiendane dykkar, {{velsign dei som forbannar dykk, gjer vel mot dei som hatar dykk,}} og be for dei som {{mishandlar dykk og}} forfølgjer dykk.

«Sæle dei som er fattige i ånda, himmelriket er deira.

Sæle dei som skaper fred, dei skal kallast Guds born.

Sæle dei som sørgjer, dei skal bli trøysta.

Sæle dei som blir forfølgde for rettferd skuld, himmelriket er deira.

Sæle dei miskunnsame, dei skal få miskunn.

Ja, sæle er de når folk for mi skuld spottar og forfølgjer dykk, lyg og talar vondt om dykk på alle vis. Gled dykk og jubla, for stor er løna dykkar i himmelen. Slik forfølgde dei òg profetane før dykk.

Sæle dei audmjuke, dei skal arva jorda.

De er saltet på jorda! Men mistar saltet si kraft, korleis skal det då bli gjort til salt att? Det duger ikkje lenger til noko; dei kastar det ut, og folk trakkar det ned.

Ver då fullkomne, liksom Far dykkar i himmelen er fullkomen.

Lat eit ja vera ja og eit nei vera nei! Alt som er meir enn det, er av det vonde.

De har høyrt det er sagt: ‘ Auge for auge og tann for tann. ’ Men eg seier dykk: Set dykk ikkje til motverje mot den som gjer vondt mot dykk. Om nokon slår deg på høgre kinnet, så vend òg det andre til.

Om høgre auget ditt lokkar deg til fall, så riv det ut og kast det frå deg! Det er betre for deg at du mistar ein kroppsdel, enn at heile kroppen blir kasta i helvete. Og om høgre handa lokkar deg til fall, så hogg henne av og kast henne frå deg! Det er betre for deg at du mistar ein kroppsdel, enn at heile kroppen kjem i helvete.