Populære bibelvers fra Jenesis 27

Del

Ha re rollo Duw dhis gluth nev ha feythter an dor ha palster a ys ha gwin. Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Hag yn-medh ev, ‘A nyns yw ewn y vos henwys Yakob? Rag ev re gemmeras ow le an dhiw weyth ma: ev a gemmeras ow gwir genesik, hag otta, lemmyn ev re gemmeras ow bennath.’ Yn-medh ev ynwedh, ‘A ny wruss'ta gwitha bennath ragov vy?’

Ena Ysak y das a worthybis ha leverel dhodho, ‘Otta, pell dhiworth feythter an dor y fydh dha drigva ha dhiworth gluth an nev a-vann. Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

Hag yn-medh Esaw dh'y das, ‘Eus genes saw unnsel unn vennath, ow thas? Bennik vy ynwedh, a das.’ Hag Esaw a dhrehevis y lev hag oela.