Populære bibelvers fra Aposolo 11

Del

Balato Solo aiya pua andalu, bala towa atu Andiyoko tano okona peke leapilipia. Peke lalu, mali mindi pitaka liyamba Andiyoko sosa okona wandakali tupa towa atoto, Kataisato wua peane loto, pii layene epene oko wandakali kambua tupa lamawua ateapili-pia. Lamawua ateapi-kola, Andiyoko tane wandakali tupamane Kataisa lo bilipi lene wandakali utupane andayo gene Kitisene oko bulupane tewa leainipia.

Oli Sipitisa oko Banapasa balanga tumbi latane atea-kola, balato bilipi leyo nayu loto, akali epene mindi ateaipia. Jutusaleme sosa okona wandakali tupamane Banapasa bala akali okonepene ateya lo andoto, bala Andiyoko tano okona peakale leai-kola, balato yuu okonena peakaiyu loto, anu peyape lo andeaipia. Andea-kola, Goteto wandakali yame waka tupa ondo wato moyo ateane okone andoto, bala epele yaepia. Epele wato, wandakali utupane pitaka-mane Akali Andane oko ole dindi lo tailo wato minu ateakale loto, Gotena pii lamawua atea-kola, yame waka wandakali kambua Akali Andanena yame okona tako peainipia.

Pii okone nembo tolo-peke loto, nambato wua lo nembo tewa: Wamba nanimato Akali Andane Jisasa Kataisa lo bilipi lema-kola, Goteto balana Oli Sipitisa oko nanima Juta yame Kitisene tupanga gea. Andipa wuane pua teke, wandakali yame waka tupamane Akali Andane Jisasa Kataisa lo bilipi lapiai-kola, Goteto balana Oli Sipitisa oko wandakali utupanenga maipia teke. Goteto wuane pipia-kola, namba apito balana piape okone katulo jia lolo-peyawape. Pitato wuane leaipia. Wuane lea-kola, akali tupana yala-pene umbaini katimakale lo tai gulalaini wandakali tupamane balana pii leane okone ale wato, Pita ando laiya leaini okone konda yainipia. Kondalu, utupane-mane Gotena gene oko laiyu loto, andipa Goteto wandakali yame waka tupa ondo wato, utupane-mane yamapane peke loto, saka atapowa atolane oko meakale leya nembo teyama leainipia.