Populære bibelvers fra Deuteronomio 4

Del

Pero kon magpangita kamo didto sa GINOO nga inyo Dios, makita ninyo siya kon pangitaon ninyo siya sa bug-os ninyo nga tagipusuon.

Kay maluluy-on ang GINOO nga inyo Dios. Indi niya kamo pagpabay-an ukon paglaglagon. Indi niya pagkalimtan ang kasugtanan nga iya ginsumpaan sa inyo mga katigulangan.

Indi gid siya gusto nga may ginasimba kamo nga iban nga dios. Kay kon magsilot ang GINOO nga inyo Dios, daw sa kalayo nga nagapang-upos.

Pero mag-andam gid kamo! Indi ninyo pagkalimti ang mga butang nga inyo nakita nga ginpanghimo sang GINOO. Kinahanglan nga magpabilin ini sa inyo mga tagipusuon samtang buhi kamo. Isugid ninyo ini sa inyo kabataan kag kaapuhan.

“Gani dumduma ninyo subong kag itanom sa inyo tagipusuon nga ang GINOO Dios sa langit kag sa duta, kag wala na sing iban pa nga dios.

Wala na sing iban nga gamhanan nga nasyon nga may dios nga malapit sa ila pareho sa GINOO nga aton Dios nga malapit sa aton sa tagsa ka tion nga magpanawag kita sa iya.

Kon mag-abot ini nga kalisod sa inyo sa ulihi, magabalik kamo sa GINOO nga inyo Dios kag magatuman sa iya.

Indi ninyo pagdugangan ukon pagbuhinan ang mga sugo nga ginahatag ko sa inyo halin sa GINOO nga inyo Dios. Dapat tumanon gid ninyo ini.